Bakı,
AzerVoice
/ ArabAZ
/
Üzvləri Şərqi Sudanın qədim Beja qəbiləsinə mənsub olan gənclik
hərəkatı orduya müttəfiq silahlı hərəkatların bölgədən qovulmasını
tələb edib və paytaxtı Port Sudan olan şərq bölgəsini inzibati
qərargah olaraq bağlamağa söz verib.
AzerVoice xəbər verir ki,özünü “Azad
Becavi Gənclik Hərəkatı” adlandıran hərəkat cümə günü verdiyi
açıqlamada “bölgəyə kənardan gələn silahlı hərəkatların
mövcudluğunun təkcə təhlükəsizlik üçün deyil, həm də sosial
quruluşumuz üçün qaçılmaz təhlükə olduğunu” söyləyib.
Bəyanatda deyilir ki, silahlı hərəkatlar bölgəni tərk edənə qədər
“region sərhədlərinin tamamilə bağlanması” üçün tədbirlərə
başlanılacaq və bu bölgə əhalisinə və onların təhlükəsizliyi üçün
zəruri və məcburi bir addımdır.
Sudanın şərqində Minni Arko Minavi (Darfur bölgəsinin qubernatoru)
başçılıq etdiyi Sudan Azadlıq Hərəkatı, Maliyyə Naziri Cibril
İbrahimin rəhbərlik etdiyi Sudan Ədalət və Bərabərlik Hərəkatı və
Sudanın şərqində silahlı milisləri fəaliyyət göstərir.
