Bakı,AzereVoice
ABŞ-ın İraqa və Suriyaya zərbələri "Oda yağ tökməkdir,AzerVoice xəbər verir ki , bunu HƏMAS lideri İsmail Haniyə bildirib.
O qeyd edib ki ,ABŞ həm İraqa, həm də Suriyaya qarşı bu qəddar təcavüzün nəticələrinə görə məsuliyyət daşıyır.
“Biz əminik ki, sionist (İsrail) təcavüzünü və Qəzza zolağında xalqımıza qarşı soyqırım və etnik təmizləmə cinayətlərini dayandırmadanregionda sabitlik və sülh olayacaq ”.
Birləşmiş Ştatlar bazar günü İordaniyada üç ABŞ əsgərinin ölümü ilə nəticələnən pilotsuz təyyarə hücumuna cavab olaraq İraq və Suriyada İranın dəstəklədiyi silahlı qruplara qarşı hava zərbələri endirərək qisas alacağını bildirmişdi.
ABŞ ordusu Suriya və İraqda 7 fərqli nöqtədə ümumilikdə 85 hədəfə hücum etdiyini bildirib.
Suriya İnsan Haqları Müşahidə Qrupunun məlumatına görə, zərbələr nəticəsində Suriyada ən azı 23 iranpərəst döyüşçü həlak olub. Bağdad hökumətinin bildirdiyinə görə, İraqda dinc sakinlər də daxil olmaqla 16 nəfər həlak olub.
ABŞ-ın Qəzza müharibəsində İsrailə dəstəyindən qəzəblənən İranın dəstəklədiyi silahlı qruplar tərəfindən oktyabrın ortalarından bəri İraq, Suriya və İordaniyada ABŞ və müttəfiq qoşunları 165 dəfədən çox hücuma məruz qalıb.
Qeyd edək ki, oktyabrın 7-də İsrailə hücumlar olunub. Əvvəlcə Qəzza bölgəsindən reaktiv mərmilərlə kütləvi atəş açılıb, daha sonra döyüşçülər əraziyə qurudan, havadan və sudan daxil olublar.
İsrail müharibə vəziyyəti elan edib. Bundan başqa, İsrailin müdafiə naziri Yoav Qallant ehtiyatda olan hərbçilərin kütləvi çağırışını elan edib.
Oktyabrın 7-də İsrail-Fələstin münaqişəsinin yeni mərhələsi başlayandan bəri Qəzza zolağında ölənlərin sayı 30 minə yaxınlaşıb.
