Birinci vitse-prezident Mehriban Əliyeva rəsmi “Instagram” hesabında Pasxa bayramı ilə bağlı paylaşım edib.

İsrail Daxili Cəbhə Komandanlığının "Tzeva Adom" (Qırmızı Rəng) xəbərdarlıq sistemindən əldə edilən son məlumatlar, 2026-cı il fevralın 28-də ABŞ və İsrailin İrana qarşı başlatdığı müharibədən bəri İsrail ərazisində həyəcan siqnallarının görünməmiş tezliklə səsləndiyini ortaya qoyub.

Xəbər verdiyimiz ki, Azərbaycan Respublikasının Prezidenti İlham Əliyev və Birinci xanım Mehriban Əliyeva martın 18-də Xocavənd rayonunun Xanoba kəndinə səfər ediblər və orada kəndə köçmüş Bəybalı Qasımovun evini ziyarət ediblər. Prezident İlham Əliyev həmçinin kənd sakininin oğlu, balaca Ayazla da söhbət edib. Səmimi söhbət əsnasında uşaq dövlət başçısından qırmızı rəngli "KamAZ" yük maşını istəyib.

İraq Parlamenti keçirdiyi səsvermədə Kürdüstan Vətənpərvərlər İttifaqı (PUK) namizədi, 58 yaşlı Nizar Amidini 329 yerlik məclisdə ikinci tur səsvermə zamanı 227 səslə ölkənin yeni Prezidenti seçdi. Səsvermədə ümumilikdə 229 deputat iştirak edib. İraqda 2003-cü ildən sonra qurulan siyasi müvazinətə əsasən, prezident kürd partiyalarının namizədləri arasından seçilir. Bu vəzifə üçün Kürdüstan Demokrat Partiyası (KDP) hazırkı Xarici İşlər naziri Fuad Hüseyni, Kürdüstan Vətənpərvərlər İttifaqı (PUK) isə Nizar Amidini namizəd göstərmişdi. Sözügedən post uğrunda KDP və KYB namizədləri də daxil olmaqla ümumilikdə 17 nəfər yarışırdı. Amedi seçildikdən sonra parlamentdə and içərək vəzifəsinin icrasına başlayıb.

Azərbaycanın Qəbələ şəhərində “Sülh Körpüsü” Təşəbbüsü çərçivəsində Azərbaycan və Ermənistan vətəndaş cəmiyyətlərinin nümayəndələrini bir araya gətirən ikitərəfli dəyirmi masa keçirilib. Növbəti görüşdə hər iki ölkədən qeyri-hökumət təşkilatlarının, media qurumlarının və beyin mərkəzlərinin nümayəndələri iştirak ediblər.

Pakistanın paytaxtı İslamabad şəhəri beynəlxalq birliyin diqqət mərkəzinə çevrilib. Belə ki, bu gün ABŞ və İran nümayəndə heyətləri arasında regional gərginliyin azaldılmasına dair həlledici danışıqlar rəsmən start götürüb.

Qəbələ şəhərində "Sülh Körpüsü" təşəbbüsü çərçivəsində Azərbaycan və Ermənistan vətəndaş cəmiyyətlərinin nümayəndələrinin iştirakı ilə keçirilən ikitərəfli dəyirmi masa çərçivəsində Azərbaycan Prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyevlə görüş baş tutub. Görüş zamanı Hikmət Hacıyev iştirakçılarla fikir mübadiləsi aparıb, həmçinin erməni nümayəndə heyətinin suallarını cavablandırıb. Görüşdə Azərbaycan hökumətinin sülh gündəliyinə sadiqliyi vurğulanıb. Görüşdə ölkəmizin Vaşinqtonda Ermənistanla Azərbaycan arasında razılaşdırılmış sülh gündəliyinə və Vaşinqton Sammitinin ruhuna sadiqliyi bir daha diqqətə çatdırılıb. Həmçinin iki ölkə arasında ticərət münasibətlərinin yaranması və Azərbaycan ərazisindən Ermənistana məhsulların tranzit keçidinin təmin olunduğu qeyd edilib, TRIPP layihəsinin həyata keçirilməsi və bunun bölgədə ab-havanın, bütün bir regionun nəqliyyat mənzərəsinin dəyişəcəyinə xidmət göstərəcəyi bildirilib. H.Hacıyev qeyd edib ki, Azərbaycan və Ermənistan arasında sülh gündəliyi üzrə danışıqların ikitərəfli xarakter daşıdığı kimi, vətəndaş cəmiyyətləri arasındakı bu mübadilələrin və etimad quruculuğu tədbirlərinin də ikitərəfli xarakter daşıması vacibdir. Prezidentin köməkçisi vurğulayıb ki, dünyada baş verən yeni təlatümlərin və müharibələrin fonunda Cənubi Qafqazda sülhün və təhlükəsizliyin təmin edilməsi oluqca vacibdir. Qeyd edək ki, aprelin 10–dan 12-dək keçirilən dəyirmi masada iki ölkənin vətəndaş cəmiyyəti nümayəndələri arasında dialoq və birbaşa əlaqələrin təşviqi məsələri müzakirə olunur. Görüş 12 aprelədək davam edəcək. "Sülh Körpüsü" təşəbbüsü Azərbaycan və Ermənistan vətəndaş cəmiyyəti nümayəndələri arasında dialoqun və birbaşa qarşılıqlı əlaqələrin təşviqinə davam edir. Bu dəfə erməni nümayəndə heyəti Azərbaycana quru sərhədi vasitəsilə gəlib, delimitasiya və demarkasiya olunmuş sahəni keçərək sərhəd və pasport nəzarətinin bütün müvafiq prosedurlarından keçib.

Pakistanın Baş naziri Şahbaz Şərifin ABŞ nümayəndə heyəti ilə görüşü ilə regional təhlükəsizlik və atəşkəs üçün taleyüklü olan İslamabad danışıqlarına rəsmən start verilib.

İranın vitse-prezidenti Məhəmməd Rza Arif ölkəsinin ABŞ ilə mümkün danışıqlar və hərbi mövqeyi ilə bağlı açıqlama verib. Bununla yanaşı, vitse-prezident İranın hərbi mövqeyində geri çəkilməyəcəyini vurğulayıb. O qeyd edib ki, ölkə özünü əvvəlkindən daha güclü şəkildə müdafiə etməyə məcburdur. Arif əlavə edib ki, mövcud vəziyyət davam edərsə, bu, qlobal səviyyədə daha böyük nəticələrə və itkilərə səbəb ola bilər.

Qardaş Türkiyə Respublikasının Konya şəhərində keçirilən “Anatolian Phoenix - 2026” ("Anadolu Ankası - 2026") beynəlxalq axtarış-xilasetmə təlimi uğurla davam edir. Təlim planına uyğun olaraq keçirilən brifinqlərdə iştirakçılara təhlükəsizlik qaydaları, icra olunacaq tapşırıqların mərhələləri, həmçinin əməliyyatların aparılacağı ərazinin relyefi və iqlim xüsusiyyətləri barədə ətraflı məlumat verilib.

Birləşmiş Ştatlar və İran arasında 38 günlük birbaşa hərbi qarşıdurmadan sonra elan edilən atəşkəs zahirən diplomatiyanın qələbəsi kimi görünsə də, mahiyyət etibarilə itkilər və ziddiyyətlərlə yüklənmiş bir "döyüşçü fasiləsi"nə daha yaxındır. "Tarixi qələbə" elan etməyə tələsən İran rəsmiləri yaxşı bilirlər ki, bu bəyanat strateji reallıqdan daha çox daxili istehlaka yönəlib; belə ki, Tehran bu raunddan tükənmiş hərbi imkanlar, darmadağın edilmiş donanma, sıradan çıxmış müdafiə sistemləri, zədələnmiş infrastruktur və sanksiyaların, ardıcıl zərbələrin ağırlığı altında sarsılan iqtisadiyyatla çıxıb. Qarşı tərəfdə isə Vaşinqton özünü bəndlərinin yozulmasında əsaslı fərqlərlə dolu bir atəşkəs qarşısında görür ki, bu da sazişin nə dərəcədə davamlı olacağı sualını təcili və qanunauyğun edir.

Prezident İlham Əliyev aprelin 6-da Gürcüstana dövlət səfəri zamanı xatirə kitabına ürək sözlərini yazıb.