Bakı,AzerPress
2021-ci ildə Özbəkistanın bu təşkilata üzv ölkələrlə ticarət dövriyyəsi 35,1 faiz artaraq 11,2 milyard dollara çatıb. Bu haqda AzerPress Özbəkistan İqtisadi Tədqiqatlar və İslahatlar Mərkəzinə, istinadən məlumat verir.
Məlumata əsasən artım tendensiyası 2022-ci ildə də davam edib, ticarət həcmi 10,4 faiz artaraq 12,4 milyard dollara çatıb.
Özbəkistanın xarici ticarətində İƏT-in payı 24,7 faiz təşkil edir. Qeyd edək ki, ixrac 2021-ci ilə nisbətən 6,3 faiz artaraq 5,75 milyard dollara çatıb. İdxal 6,62 milyard dollar artaraq 14,3 faiz artıb. Ötən il ümumi ixracın üçdə biri - 29,8 faizi İƏT ölkələrinə gedib.
Ötən il ticarət dövriyyəsində ən böyük pay Qazaxıstan (37,5 faiz) və Türkiyəyə (26,3 faiz) məxsusdur. Onları Qırğızıstan (10,2), Türkmənistan (7,5), Əfqanıstan (6,1), Tacikistan (5,5), İran (3,5), Pakistan (1,9) və Azərbaycan (1,5) izləyir. Özbəkistanın İƏT ölkələri ilə ticarət dövriyyəsi 1,13 trilyon dolları ötüb.
Bu ilin 9 ayı ərzində qeydə alınmış göstəriciləri təhlil edərək əminliklə deyə bilərik ki, İƏT çərçivəsində əməkdaşlığımız xeyli intensivləşib. Belə ki, hesabat dövründə İƏT çərçivəsində ticarət dövriyyəsi 9,2 milyard dollar, Özbəkistanın ümumi ticarət dövriyyəsində iştirakçı ölkələrin payı 20,5 faizə çatıb. İxracın həcmi 4,2 milyard dollar, idxalın həcmi isə 5 milyard dollar təşkil edib.
Qeyd edək ki, İƏT Cənubi, Mərkəzi Asiya və Yaxın Şərqdə ticarət və investisiya imkanlarının inkişaf etdirilməsi yollarının müzakirəsi üçün forum təşkil edir. Struktur çərçivəsində iqtisadi əməkdaşlığın dərinləşdirilməsinə yönəlmiş bir sıra sənədlər, o cümlədən azad ticarət, tranzit ticarət, nəqliyyat və tranzit üzrə Çərçivə Sazişi hazırlanacaq.
