Close Menu
    Baş xəbər

    Selçuk Bayraktar Azərbaycanı Milli Qurtuluş Günü münasibətilə təbrik edib

    Selçuk Bayraktar Azərbaycanı Milli Qurtuluş Günü münasibətilə təbrik edib

    Bakı, VOA:

    Türkiyənin "Baykar" şirkətinin texniki direktoru Selçuk Bayraktar Azərbaycanı Milli Qurtuluş Günü münasibətilə təbrik edib.

    VOA xəbər verir ki, Bayraktar bu barədə X sosial media hesabında paylaşım edib.

    “Birliyimiz və firavanlığımız əbədi olsun. Azadlığa inamımız, keçmiş tayfalarımız və gələcəyə ümidlərimiz eynidir. Əziz Azərbaycanın Milli Qurtuluş Günün mübarək”,- deyə paylaşımda qeyd olunub.

    Qeyd edək ki, bu gün Azərbaycanda Milli Qurtuluş Günü qeyd edilir.

    1991-ci ilin oktyabrında Azərbaycan müstəqillik əldə etdi. Lakin müstəqilliyin ilk illəri siyasi hakimiyyət boşluğu və dövlətin əsaslarının, ordu və dövlət təhlükəsizliyi orqanları da daxil olmaqla, dövlətin bütün təsisatlarının boşluğu ilə idi.

    Vətənin bu ağır dövründə Azərbaycan Kommunist Partiyası Mərkəzi Komitəsinin birinci katibi (1969–1982) olmuş, daha sonra Sovet İttifaqı Kommunist Partiyası Mərkəzi Komitəsi Siyasi Bürosunun üzvü, SSRİ Nazirlər Soveti sədrinin birinci müavini vəzifələrində çalışmış, Moskvada istefa verdikdən sonra 1991–1993-cü illərdə Naxçıvan Muxtar Respublikası Ali Məclisinin sədri kimi bu diyarın xilası yolunda fədakarlıq nümunələri göstərən Heydər Əliyev hakimiyyətə qayıtdı. 1993-cü il iyunun 15-də Heydər Əliyev Azərbaycan Respublikası Ali Sovetinin sədri seçildi. Beləliklə, 15 iyun Azərbaycanın tarixinə Milli Qurtuluş Günü kimi daxil oldu.

    Oxşar Xəbərər

    © 2026 Azervoice.