Qətərin Baş naziri Şeyx Məhəmməd bin Əbdülrəhman bin Casim Əl Tani İranla bağlı böhranın uzunmüddətli həlli üçün əsas səbəblərin aradan qaldırılmasının vacib olduğunu bildirib. O, davam edən vasitəçilik təşəbbüslərinə dəstəyin əhəmiyyətini vurğulayıb.

HƏMAS Qəssam Briqadalarının rəhbəri İzzəddin əl-Həddadın öldürüldüyünü təsdiqləyib. Qruplaşma hadisənin İsrail tərəfindən həyata keçirilən hücum nəticəsində baş verdiyini iddia edib.

ABŞ Mərkəzi Komandanlığı İran limanlarına tətbiq olunan məhdudiyyətlər fonunda 78 kommersiya gəmisinin yenidən istiqamətləndirildiyini bildirib. Məlumata görə, daha dörd gəmi qaydalara əməl olunmasını təmin etmək məqsədilə fəaliyyətini dayandırıb.

Rusiya Prezidenti Vladimir Putin və BƏƏ Prezidenti Məhəmməd bin Zayed Əl Nəhyan İranla bağlı vəziyyəti müzakirə edərək siyasi və diplomatik həll yollarının vacibliyini vurğulayıblar. Məlumata görə, tərəflər İran ətrafında yaranmış vəziyyət və regional prosesləri müzakirə edərək kompromis əsaslı sülh razılaşmalarına nail olmaq üçün siyasi və diplomatik səylərin davam etdirilməsinin vacibliyini qeyd ediblər.

Pakistanın daxili işlər naziri Möhsin Nəqvi iki günlük səfər çərçivəsində Tehranda İran rəsmiləri ilə görüş keçirib. Tərəflərin görüşündə regional sabitlik və əməkdaşlıq məsələləri müzakirə olunub.

Livanın İctimai Səhiyyə Nazirliyi martın 2-dən mayın 16-dək davam edən hücumlar nəticəsində 2 969 nəfərin həyatını itirdiyini, 9 112 nəfərin isə yaralandığını açıqlayıb.

Atəşkəs müddətinin uzadılmasına baxmayaraq, Livanın cənubunda hava hücumları və artilleriya atəşləri davam edir. Bölgədə təhlükəsizlik vəziyyətinin pisləşməsi nəticəsində bir milyondan çox insanın yaşayış yerlərini tərk etdiyi bildirilir.

Hizbullah Livanın cənubundakı Xiyam qəsəbəsində İsrail əsgərlərinə qarşı pilotsuz uçuş aparatı ilə hücum həyata keçirdiyini açıqlayıb. Qruplaşma bunun atəşkəs pozuntuları və mülki şəxslərə qarşı hücumlara cavab olduğunu bildirib.

“Sərhədsiz Həkimlər” təşkilatı Livanda feldşerlərə qarşı həyata keçirilən hücumları pisləyib. Təşkilat səhiyyə işçilərinin və xilasetmə qruplarının hədəfə alınmasının qəbuledilməz olduğunu bildirib.

İsrail HƏMAS-ın yüksəkrütbəli hərbi fiqurlarından hesab olunan Əl-Həddadın öldürüldüyünü iddia edib. Məlumata görə, o, son aylarda “Qəssam Briqadaları”nın fəaliyyətinə rəhbərlik edən əsas şəxslərdən biri hesab olunurdu.

BMT rəsmisi İordan çayının qərb sahilində yerləşən Fələstin kəndində məscidə qarşı törədilən yandırma hücumunu pisləyib. Hadisənin bölgədə artan zorakılıq fonunda baş verdiyi və təcili araşdırma tələb olunduğu bildirilib.

İran rəsmisi Hörmüz boğazında yeni idarəetmə mexanizminin hazırlanaraq yaxın zamanda elan ediləcəyini bildirib. Rəsmi açıqlamaya görə, müəyyən xidmətlərə görə ödənişlərin tətbiqi də nəzərdə tutulur.

Birləşmiş Ərəb Əmirlikləri OPEC və OPEC+ təşkilatlarından çıxmaq qərarının milli maraqlar, enerji strategiyası və uzunmüddətli iqtisadi baxış əsasında qəbul edildiyini açıqlayıb. Energetika naziri Süheyl əl-Məzrui qərarın siyasi səbəblərlə bağlı olmadığını bildirib.

Türkiyə Prezidenti Rəcəb Tayyib Ərdoğan Qazaxıstan səfərindən dönüş zamanı jurnalistlərin suallarını cavablandıraraq daxili siyasət, təhlükəsizlik, müdafiə sənayesi, türk dünyası, Avropa ilə münasibətlər və sosial məsələlər barədə geniş açıqlamalar verib.

Naxçıvan Beynəlxalq Aeroportu yaxınlığında müşahidə olunan əlverişsiz hava şəraiti səbəbindən bəzi aviareyslərin icrasında dəyişiklik edilib. Azərbaycan Hava Yolları Şirkəti tərəfindən Naxçıvan istiqamətində həyata keçirilən uçuşların bir hissəsi hava şəraitinin pisləşməsi ilə əlaqədar təxirə salınıb.

Türkiyə Milli Kəşfiyyat Təşkilatı ölkə əleyhinə fəaliyyət göstərən beynəlxalq casusluq şəbəkəsinə qarşı genişmiqyaslı əməliyyat keçirib. Ankara mərkəz olmaqla bir neçə bölgədə təşkil edilən eyni vaxtlı əməliyyat nəticəsində çoxsaylı şəxslər saxlanılıb.

İraqın yeni Baş naziri Əli əl-Zeydi vəzifəsinin icrasına rəsmi olaraq başladıqdan sonra ölkənin iqtisadi, təhlükəsizlik və dövlət idarəçiliyi sahələrində genişmiqyaslı islahatlar həyata keçirəcəyini açıqlayıb.

Məryəm Nəvaz Şərif Ümumdünya Şəhərsalma Forumunun 13-cü Sessiyasında iştirak etmək məqsədilə Azərbaycana səfər edib

Böyük Britaniyada keçirilən ənənəvi “Vindzor Kral Atçılıq Şousu”nda ölkəmiz Heydər Əliyev Fondunun dəstəyi və Azərbaycan Respublikası Atçılıq Federasiyasının təşkilatçılığı ilə ilk dəfə 150 nəfərlik böyük nümayəndə heyəti tərəfindən təmsil edilir.

Qazaxıstana səfərini başa çatdıran Türkiyə Prezidenti Rəcəb Tayyib Ərdoğan təyyarədə jurnalistlərin suallarını cavablandırarkən NATO-nun gələcəyi, Avropa Birliyi ilə münasibətlər, türk dövlətləri ilə əməkdaşlıq və Yaxın Şərqdəki gərginlik barədə mühüm açıqlamalar verib.

Azərbaycan Respublikasının Dövlət Şəhərsalma və Arxitektura Komitəsi ilə BMT-nin Məskunlaşma Proqramı (UN-Habitat) arasında WUF13 Bakı standartlarına əsasən gələcəkdə keçiriləcək Ümumdünya Şəhərsalma Forumun sessiyalarına ev sahibliyi üzrə əməliyyat təlimatının birgə hazırlanmasında əməkdaşlıq etmək məqsədilə Niyyət Məktubu imzalanıb.

Moldovanın paytaxtı Kişinyovda keçirilən Avropa Şurası Nazirlər Komitəsinin iclasında üzv dövlətlər insan hüquqları ilə bağlı bəzi müddəaların yeni şərhini dəstəkləyiblər. Qərar əsasən qeyri-qanuni miqrasiyanın idarə olunması, sərhəd təhlükəsizliyinin gücləndirilməsi və üçüncü ölkələrlə əməkdaşlığın genişləndirilməsi məqsədi daşıyır.

ABŞ Prezidenti Donald Tramp ABŞ və Nigeriya qüvvələrinin birgə əməliyyatı nəticəsində terror təşkilatı İŞİD-in qlobal səviyyədə ikinci əsas fiquru hesab edilən Əbu-Bilal əl-Minukinin zərərsizləşdirildiyini açıqlayıb.

Tayvan ABŞ Prezidenti Donald Trampın adanın rəsmi müstəqilliyi ilə bağlı xəbərdarlığından sonra öz suveren mövqeyini bir daha vurğulayıb. Tayvan Xarici İşlər Nazirliyi yaydığı bəyanatda adanın demokratik, müstəqil və suveren dövlət olduğunu bildirib və onun Çin Xalq Respublikasına tabe olmadığını qeyd edib.