BAKI,VOA Yusif Şərifzadə

ABŞ ilə İran arasında vasitəçilik səyləri fonunda Pakistanın rolu ətrafında yeni diplomatik gərginlik yaranıb. Atəşkəsin gələcəyi ilə bağlı narahatlıqlar Vaşinqton və Tehran arasında münasibətlərin yenidən kritik mərhələyə daxil olduğunu göstərir.

VOA xəbər verir ki, Pakistan hökuməti İranın hərbi təyyarələrini mümkün ABŞ zərbələrindən qoruduğuna dair yayılan iddiaları rəsmən təkzib edib. Bu açıqlama Vaşinqton və Tehran arasında bir ay əvvəl əldə olunan kövrək atəşkəsin ciddi təhlükə altına düşdüyü bir vaxtda verilib.

ABŞ Prezidenti Donald Trump atəşkəsin “praktiki olaraq həyat dəstəyində olduğunu” bildirib. O, İranın təqdim etdiyi son sülh təklifini “tamamilə mənasız sənəd” adlandıraraq həmin sənədi sona qədər oxumadığını açıqlayıb.

Məlumata görə, Tramp administrasiyasının bəzi rəsmiləri Pakistanın Vaşinqtona İranın mövqeyi barədə daha yumşaq və reallığı tam əks etdirməyən məlumat təqdim etdiyini düşünür. Eyni zamanda, ABŞ tərəfi İslamabadın Vaşinqtonun narazılığını Tehrana kifayət qədər sərt formada çatdırıb-çatdırmadığını da müzakirə edir.

Müşahidəçilər hesab edirlər ki, bölgədə diplomatik balansın pozulması Yaxın Şərqdə yeni hərbi və siyasi gərginlik riskini artırır. Pakistan isə tərəflər arasında vasitəçilik missiyasını davam etdirməyə çalışır.