BAKI, AzerVoice, Fərid Mikayılov

İsrailli alimlərin apardığı yeni araşdırma insanlarda iki əsas bioloji mexanizm üzərində yaşlanmanın qismən geri çevrilə biləcəyini ortaya qoyub.

Araşdırmaya görə, hüceyrələrin bölünməsi zamanı xromosomların uc hissəsində yerləşən telomerlərin davamlı qısalması hüceyrələrin yaşlanmasına və ölümü ilə nəticələnir. Bu proses xərçəng hüceyrələrinin nəzarətsiz çoxalmasının qarşısını ala bilsə də, eyni zamanda genetik yaşlanmanı da sürətləndirir. Qocalmış və bölünməyən senescent hüceyrələrin bədəndə yığılması yaşlanmanın əsas səbəblərindən hesab olunur.

Tədqiqat çərçivəsində 64 yaş və yuxarı 35 sağlam könüllü üç ay ərzində gündəlik hiperbarik oksigen terapiyası (HBOT) seanslarına cəlb olunub. Qan analizləri nəticəsində:

• Telomerlərin uzunluğunda əhəmiyyətli artım,
• Qocalmış hüceyrələrin sayında isə azalma müşahidə olunub.

Maraqlıdır ki, iştirakçıların həyat tərzi, qidalanma və dərman istifadəsində heç bir dəyişiklik edilməyib.

Mütəxəssislər qeyd edirlər ki, HBOT dərman müalicələrinə nisbətən daha sərfəli alternativ ola bilər. Bununla yanaşı, pasiyentlərin uzun saatlarını basınclı oksigen otaqlarında keçirməsi praktik çətinliklər yarada bilər.

Bununla belə, alimlər bu metodun gələcəkdə yaşlanmaya qarşı müalicələrin əsas istiqamətlərindən birinə çevrilə biləcəyini vurğulayırlar.