Bakı,AzerVoice

Şəhər illərdir tənqid edilən bu sahəni ləğv edərək heyvanları qorumaq üçün at arabalarının bu il küçələrdən yığışdırılmasını planlaşdırır.

Roma və Çikaqo kimi digər məşhur turizm məkanlarının addımlarını izləmək qərarı isə bəzi ziyarətçilərin narazılığına səbəb olub.

Heyvan hüquqları müdafiəçiləri at arabalarının xüsusilə yayda dözülməz istidə heyvanlara ağır yük yüklədiyini bildirərək bu təcrübəni tənqid edirlər.

Malaga bələdiyyəsi at arabalarının 2035-ci ildə qadağan ediləcəyini açıqlasa da, bu qadağanı daha erkən, yəni bu il həyata keçirmək istəyir.

Rəsmilər son 25 lisenziya sahibiylə razılığa gəlmək üçün danışıqlar aparırlar.

“Biz uzun müddətdir danışıqlar aparırıq və at arabası sahiblərinin tələblərinin 99 faizini yerinə yetirmişik,” – deyə Malaganın nəqliyyat məsələləri üzrə şəhər şurasının üzvü Mariya Trinidad Hernandez bildirib.

Bununla belə, at arabaları tamamilə yox olmayacaq, onlar avqust ayında keçirilən Malaga illik yarmarkası kimi festivallar da istifadə edilə biləcək.