BAKI, VOA, Orxan Qədirzadə

1981-ci il martın 30-da ABŞ prezidenti Ronald Reyqan Vaşinqton şəhərində silahlı hücum nəticəsində ağır yaralanıb.

Hadisə prezidentin Vaşinqtondakı “Hilton” otelində çıxışdan sonra avtomobilinə doğru hərəkət etdiyi anda baş verib. Con Hinkli adlı şəxs izdiham arasından prezidentə və ətrafındakı şəxslərə atəş açıb.

Nəticədə Reyqan sinə nahiyəsindən yaralanıb, mətbuat katibi Ceyms Bredi ağır xəsarət alıb, həmçinin bir təhlükəsizlik əməkdaşı və bir polis əməkdaşı da yaralanıb. Hücum edən şəxs hadisə yerində saxlanılıb.

Məlumata görə, güllə prezidentin ürəyindən az fərqlə yan keçərək ağciyərinə dəyib. Reyqan ağır vəziyyətə baxmayaraq xəstəxanaya çatdırıldıqdan sonra əməliyyat olunub və vəziyyəti sabitləşdirilib.

Hadisədən sonra prezidentin məşhurluğu daha da artıb və o, qısa müddətdə vəzifə fəaliyyətinə qayıdıb. Bu sui-qəsd cəhdi ABŞ tarixində ən səs-küylü hadisələrdən biri kimi qiymətləndirilir.

Qeyd edək ki, hücumu həyata keçirən şəxs məhkəmə tərəfindən psixi vəziyyətinə görə məsuliyyətdən azad edilərək xüsusi tibb müəssisəsinə yerləşdirilib.