Bakı, AzerVoice

Qəzza şəhərinin qərbindəki Ər-Rimal məhəlləsində məcburi köçkün fələstinlilərin sığındığı məktəbə İsrail tərəfindən təşkil edilən bombalı hücumda 9 fələstinli həyatını itirib.

AzerVoice xəbər verir ki, səhiyyə mənbələrindən alınan məlumata görə, İsrail Qəzza şəhərinin qərbindəki Ər-Rimal məhəlləsində məcburi köçkün fələstinlilərin sığındığı Mustafa Hafiz məktəbini bombalayıb.

Hücumda 9 fələstinli həyatını itirərkən, yaralananlar da var.

Qeyd edək ki, İsrail ordusu avqustun 10-da Qəzzanın şərqindəki Derec məhəlləsində didərgin düşmüş mülki əhalinin sığındığı Ət-Tabiin məktəbinə hücum etmişdi. Minlərlə məcburi köçkün fələstinlinin sığındığı məktəbdə səhər namazı qılınan vaxt baş verən hücumda ən azı 100 nəfər ölmüş, onlarla insan yaralanmışdı.

İsrail ordusunun avqustun 4-də Qəzza zolağının qərbində məcburi köçkünlərin sığındığı Hasan Salame və Nasr məktəblərinə qarşı da həyata keçirdiyi hücumlarda 30 fələstinli həyatını itirmişdi.

Bundan əlavə, avqustun 3-də İsrail ordusu Qəzza şəhərinin şimalındakı Şeyx Rıdvan məhəlləsində yerləşən və məcburi köçkün fələstinlilərin sığındığı Hamame məktəbinə hücum etmişdi və hücumda aralarında uşaqların da olduğu 16 fələstinli qətlə yetirilmişdi.