BAKI, AzerVoice
İsrail ordusu Qəzza zolağında HƏMAS-ın qərargahına zərbə endirib.
AzerVoice xəbər verir ki, bu barədə İsrail Ordusunun mətbuat xidməti məlumat yayıb.
Məlumatda qeyd olunub ki, hücumda HƏMAS-ın mühüm üzvləri hədəfə alınıb, lakin onların adları açıqlanmayıb.
“Bir qədər əvvəl İsrail Müdafiə Ordusu və Ümumi Təhlükəsizlik Xidməti Qəzza şəhəri ərazisində yerləşən HƏMAS-ın idarəetmə mərkəzində olan tanınmış terrorçulara zərbə endirdi. Bu idarəetmə mərkəzi terrorçular tərəfindən İsrailin dinc vətəndaşlarına və İsrail Ordusuna qarşı hücumların planlaşdırılması və həyata keçirilməsi üçün istifadə olunurdu”, – deyə bəyanatda bildirilib.
Ordu həmçinin bildirib ki, zərbə endirilməzdən əvvəl Qəzzadakı mülki əhaliyə zərər dəyməməsi üçün çoxsaylı tədbirlər görülüb.