BAKI, AzerVoice, Nailə Babazadə

2025-ci ilin iyul ayında Türkiyənin Qaradəniz ölkələrinə ixracatı 2024-cü ilin eyni ayı ilə müqayisədə 1 faiz artaraq 3 milyon 388 milyon 585 min dollar olub.

Bu barədə TurkicWorld - a Türkiyə Ticarət Nazirliyindən bildiriblər.

Məlumata əsasən bu ilin yanvar – iyul ayında, Türkiyənin Qaradəniz ölkələrinə ixracatı, keçən ilin analoji dövri ilə müqayisədə 2,6 faiz artaraq, 23 milyard 164 milyon 319 min dollar olub.

“Bu ilin iyul ayında Türkiyənin Qaradəniz ölkələrindən idxalı 2024 -cü ilin eyni dövrü ilə müqayisədə 2,6 faiz azalaraq 4 milyard 901 milyon 803 min dollar təşkil edib” – deyə nazirlikdən bildiriblər.

Nazrilikdən bildiriblər ki, 2025-ci ilin yanvar – iyul aylarında Türkiyənin Qaradəniz ölkələrindən idxalı keçən ilin analoji dövrü ilə müqayisədə 0,5 faiz azalaraq, 34 milyard 435 milyon 140 min dollar təşkil edib.

Qeyd edək ki, bu ilin iyul ayında Türkiyənin xarici ticarət dövriyyəsi 56 milyard 321 milyon dollar olub.

Nazirlikdən qeyd olunub ki, 2025-cü ilin iyul ayında Türkiyənin ixracatı 2024-cü ilin eyni ayı ilə müqayisədə 11 faiz artaraq 24 milyard 938 milyon dollar, idxalı isə 5,4 faiz artaraq 31 milyon 383 min dollar olub.

“Bu ilin yanvar – iyul ayında Türkiyənin xarici ticarət dövriyyəsi keçən ilin eyni ayları ilə müqayisədə 368 milyard 537 milyon dollara çatıb” –deyə nazirlikdən bildirilib.

Məlumatda bildirilib ki, 2025-cü ilin yanvar-iyul ayında Türkiyənin ixracatı 2023-cü ilin eyni dövrü ilə müqayisədə 5,1 faiz artaraq 156 milyard 317 milyon dollara, idxalı isə 6,9 faiz artaraq 212 milyard 220 milyon dollar olub.

Qeyd edək ki, keçən il Türkiyənin xarici ticarət dövriyyəsi 606 milyard 55 milyon dollara çatıb.

2024-cü ildə Türkiyənin ixracı 2023-ci ilin eyni dövrü ilə müqayisədə 2,4 faiz artaraq 261 milyard 855 milyon, idxalı isə 5 faiz azalaraq 344 milyard 20 milyon dollar olub.