Bakı. AzerVoice:
Türk Dünyası İqtisad Fakültəsi (TUDİFAK) 23-26 may 2024-cü il tarixlərində UNEC-in təşkil etdiyi “İqtisadiyyat Sahəsində İqtisadiyyat və İdarəetmə üzrə VI Beynəlxalq Konfrans (ISCEMR)” çərçivəsində “Türk Dünyasında Yaşıl və Dairəvi İqtisadiyyat: Keçid üçün Yol Xəritəsi" mövzusunda panel təşkil edib.
AzerVoice xəbər verir ki, Prof.dr. Hayati Beşirlinin moderatorluğu ilə keçirilən paneldə prof.dr. İlhan Öztürk (Birləşmiş Ərəb Əmirlikləri), prof.dr. Ayfer Gedikli (Türkiyə), prof.dr. Dinmuhammed Kelesbayev (Qazaxıstan) və dos.dr. Maria Koçkorbayeva (Qırğızıstan) məruzəçi kimi çıxış etdilər. TİKA və Türk Dünyası Araşdırmaları Vəqfinin tərəfindən dəstəklənən paneldə Türk Dünyasında yaşıl iqtisadiyyatla bağlı inkişaflar müzakirə edilib.
Heydər Əliyev Mərkəzində baş tutan və böyük marağa səbəb olan panelin açılış nitqi ilə çıxış edən TUDİFAK dekanı prof.dr. Mehmet Yüce, prezident İlham Əliyevin “Ailəmiz Türk Dünyasıdır. Bu ailənin bir üzvü olduğumuz üçün çox xoşbəxtik” sözlərini xatırladaraq bildirib ki, Türk dünyası ailəsinin köklü keçmişi, böyük sivilizasiyası, parlaq tarixi, 300 milyonluq əhalisi, 4,5 milyon km2 coğrafiyası, 4 trilyon dollarlıq alıcılıq qabiliyyəti, 1,7 trilyon dollarlıq xarici ticarət həcmi olan böyük bir ailədir. Türk dövlətləri, Asiya və Avropa qitələrində yerləşən Türk Dünyası Coğrafiyası həm də Şərqlə Qərb arasında ticarət tranzit marşrutu üzərində yerləşir və dünyanın geosiyasi qəlbində yerləşən müstəsna strateji əhəmiyyətə malik bir bölgədir. Yüce onu da vurğulayıb ki, Türk Dünyasının Türk Dövlətləri anlayışı daxilində daha geniş bir anlayış olduğunu və bu anlayışa Müstəqil Türk Dövlətləri, Muxtar Türk Cümhuriyyətləri, müxtəlif dövlətlərdə yaşayan türk toplumları və xaricdə yaşayan türkləri də ehtiva edir.
Yüce bioloji cəhətdən türk olmasa da, mədəni baxımdan özlərini türk hesab edən topluluqların, türklərlə sıx əlaqəsi olan qohum toplumların və dövlətlərin də diqqətə alınmasının əhəmiyyətini qeyd edib.
