Bakı, TurkicWorld

2025-ci ilin yanvar-fevral aylarında Qazaxıstan vətəndaşları Türkiyədə 87 daşınmaz əmlak satın alıblar ki, bu da keçən ilin eyni dövrü ilə müqayisədə 91 obyekt azdır.

Bu barədə TurkicWorld-ə Türkiyənin Torpaq Kadastrı və Daşınmaz Əmlak Alqı-Satqısı üzrə Dövlət orqanından məlumat verilib.

Məlumata görə, bu ilin fevral ayında Qazaxıstan vətəndaşları Türkiyədə 46 daşınmaz əmlak alıblar ki, bu da 2024-cü ilin fevral ayı ilə müqayisədə 33 obyekt azdır.

Qeyd edək ki, 2025-ci ilin fevral ayında Türkiyədə 112 min 818 mənzil satın alınıb ki, bu da 2024-cü ilin fevral ayı ilə müqayisədə 20,1 faiz çoxdur.

Məlumata görə, 2025-ci ilin yanvar-fevral aylarında Türkiyədə 224 min 991 mənzil satın alınıb.

"Bu göstəricilər 2024-cü ilin eyni dövrü ilə müqayisədə 29,1 faiz çoxdur", - deyə nazirlikdən qeyd edilib.

2025-ci ilin fevral ayında Türkiyədə xarici vətəndaşlara min 457 mənzil satılıb ki, bu da 2024-cü ilin eyni dövrü ilə müqayisədə 21,2 faiz azdır.

Eyni ilin yanvar-fevral aylarında əcnəbi vətəndaşlar Türkiyədən 3 min 4 mənzil alıblar ki buda keçən ilin eyni dövrü ilə müqayisədə 23,1 faiz azdır.