UEFA 2027-ci ildə keçiriləcək Çempionlar Liqasının final oyunlarının məkanlarını təsdiqləyib. UEFA İcraiyyə Komitəsinin Albaniyada keçirilən iclasında qəbul edilən qərara görə, kişilər arasında final Atletiko Madrid klubunun 70 min tamaşaçı tutumuna malik Metropolitano stadionunda keçiriləcək. Stadion 2019-cu ildə Liverpulun Tottenhemi 2:0 hesabı ilə məğlub edərək kuboku qazandığı finala da ev sahibliyi etmişdi. Bu, Madridin Çempionlar Liqası finalına altıncı dəfə ev sahibliyi etməsi olacaq.

Metro Manila bölgəsində yerləşən Pasay və Kveson şəhərlərinin 12–28 sentyabr tarixlərində ev sahibliyi edəcəyi təşkilatın açılış oyunu bu gün saat 14:00-da Filippinlə Tunis arasında keçiriləcək. Türkiyə Milli Kişi Voleybol Komandası 1956, 1966, 1998 və 2022-ci illərdən sonra 5-ci dəfə Kişilər arasında Dünya Voleybol Çempionatında iştirak edəcək.

Atalantanın nigeriyalı hücumçusu Ademola Lookman, yay transfer dönəmində İnterə keçidlə bağlı yaranmış mübahisələrin ardından yenidən komanda ilə məşqlərə qatılıb. İnter, 27 yaşlı futbolçunun transferi üçün 45 milyon avro təklif etsə də, Atalanta bu təklifi qəbul etməyib.

Beynəlxalq Futbol Tarixi və Statistikaları Federasiyasının (İFFHS) açıqladığı son dünya klublarının reytinq cədvəlində ağdam təmsilçisi 38 pillə yüksələrək 96-cı sıraya yerləşib. Azərbaycanın aparıcı futbol klubu Qarabağ beynəlxalq reytinqdə böyük irəliləyiş əldə edib.

Barselona, öz yetirməsi olan 22 yaşlı Fermin Lopezi Çelsidən gələn cazibədar təklifə baxmayaraq komandada saxlaya bilib. Futbolçu isə az oyun vaxtı almasına görə narahat olduğunu baş məşqçi Hansi Fliklə bölüşüb. Flik Lopezin bacarığını qəbul etsə də, ulduzlarla dolu heyətdə ona müntəzəm oynamağa zəmanət verə bilməyib.

Azərbaycan boksçusu Alfonso Dominqes İngiltərənin Liverpul şəhərində keçirilən dünya çempionatında növbəti qələbəsini qazanıb. 90 kiloqram çəkidə mübarizə aparan millinin lideri 1/4 finalda Emrah Yaşarla (Türkiyə) üz-üzə gəlib. Döyüş dünya çempionumuzun qələbəsi ilə başa çatıb. Dominqes rəqibini 3:2 (28:29, 30:27, 28:29, 29:28, 29:28) hesabı ilə məğlub edərək yarımfinala yüksəlib. Boksçu bu qələbə sayəsində özü üçün azı bürünc medalı da təmin edib.

Manchester City klubu, misirli hücumçu Omar Marmuşun zədələndiyini açıqlayıb. 26 yaşlı futbolçu dünən Misirin Burkina Faso ilə keçirdiyi 2026 FIFA Dünya Çempionatı Afrika seçmə mərhələsi oyununda zədələnib. Marmuşun bu həftə sonu keçiriləcək Mançester derbisində – Mançester Yunaytedə qarşı matçda meydana çıxa bilməyəcəyi təsdiqlənib.

Almaniya Bundesliqasının çempionu Bavariya 2022-ci ildə Barselonanın gənc istedadı Lamin Yamalı heyətinə qatmaq üçün ciddi planlar qurub. Klub rəhbərliyi oyunçunun ailəsini Almaniyaya köçürərək, 16 yaşı tamamlandıqdan sonra təxminən 5 milyon avro qarşılığında transferi həyata keçirməyi planlaşdırırdı.

2025 Avropa Basketbol Çempionatının (EuroBasket 2025) 1/4 final mərhələsində Yunanıstan Litvanı 87-76 hesabı ilə məğlub edərək yarımfinala vəsiqə qazanıb. Yunanıstan 12 sentyabr, cümə günü keçiriləcək yarımfinal oyununda Türkiyə ilə üz-üzə gələcək. Görüş Latviyanın paytaxtında yerləşən “Arena Riga” zalında baş tutub. Matçı kanadalı Matt Kallio, ispaniyalı Antonio Konde və xorvatiyalı Martin Vuliç idarə ediblər.

Türkiyənin "Fənərbağça" klubu baş məşqçi Joze Mourinyonun ayrılmasından sonra 39 yaşlı italiyalı mütəxəssis Domeniko Tedesko ilə müqavilə imzalayıb. Bu barədə klubun yaydığı açıqlamada deyilir. “Komandanın baş məşqçiliyi üçün cənab Domeniko Tedesko ilə 2025-2026 və 2026-2027 mövsümlərini əhatə edən iki illik müqavilə imzalanıb” - deyə, açıqlamada bildirilib.

Azərbaycan milli futbol komandası bu gün DÇ-2026-nın seçmə mərhələsi çərçivəsində ikinci oyununa çıxacaq. Tofiq Bəhramov adına Respublika Stadionunda oynanılacaq görüş saat 20:00-da start götürəcək. Matç “CBC Sport” telekanalı vasitəsilə canlı yayımlanacaq.

Kaspar Yulmann Almaniyanın “Bayer” klubunun baş məşqçisi təyin olunub. Məlumata görə, 53 yaşlı danimarkalı mütəxəssislə 2027-ci iyunun 30-dək müqavilə imzalanıb. Yulmann bu vəzifədə niderlandlı Erik ten Haqı əvəzləyib. Ten Haqın rəhbərliyi altında “Bayer” üç rəsmi oyun keçirib. Onlardan biri qələbə, biri heç-heçə, biri isə məğlubiyyətlə nəticələnib.