UEFA Çempionlar Liqasının II turunda Qazaxıstanın Kayrat Almatı klubu doğma publika önündə İspaniya nəhəngi Real Madrid qəbul edəcək. Qeyd edək ki, ötən turda Kayrat Almatı Portuqaliyaya Sportinq səfərinə yollanmışdı. Həmin görüşdə Qazaxıstan təmsilçisi 4-1 hesabı ilə məğlub olmuşdu. Kral klubu isə isə ötən tur Marsel ilə qarşılaşıb və 2-1 hesablı qələbə qazanıb.

Oktyabrın 3-dən 7-dək III MDB Oyunlarında güləş yarışları keçiriləcək. Gəncə Olimpiya İdman Kompleksində ayın 3-4-də sərbəst və qadın güləşi üzrə, ayın 7-də isə yunan-Roma güləşi üzrə qaliblər müəyyənləşəcək. Azərbaycan, Belarus, Qazaxıstan, Qırğızıstan, Rusiya, Tacikistan, Türkmənistan və Özbəkistandan ümumilikdə 150 güləşçi mübarizə aparacaq. Ölkəmizi MDB Oyunlarında 27 güləşçi təmsil edəcək. Sərbəst güləşdə böyük məşqçi Əsgərxan Novruzov, məşqçilər Vahid Məmmədovla Yaşar Əliyevin rəhbərliyi altında Hüseyn Rzazadə (45 kq), Rəvan Həsənzadə (48 kq), Hacıhüseyn Əhmədzadə (51 kq), İbrahim Süleymanov (55 kq), Rəşid Nazarov (60 kq), Hüseyn İsmayılov (65 kq), Nihad Abasov (71 kq), Əli Hacıyev (80 kq), Amin Nəsibov (92 kq) və Hakim Tağıyev (110 kq) çıxış edəcək.

AFFA prezidenti Rövşən Nəcəf bu gün A milli komandanın yeni baş məşqçisi Ayxan Abbasovla görüş keçirib. Rövşən Nəcəf bildirib ki, Ayxan Abbasovun rəhbərliyi altında yığmanın qarşıdakı oyunları uğurla keçirməsi üçün AFFA rəhbərliyi tam dəstək göstərəcək. O, komanda və məşqçi heyətinə növbəti görüşlərdə uğurlar arzulayıb.

UEFA Çempionlar Liqasının II turunda Türkiyənin Qalatasaray klubu doğma publika önündə İngiltərə nəhəngi Liverpulu qəbul edəcək. Qeyd edək ki, ötən turda Qalatasaray Almaniyaya Frankfurt səfərinə yollanmışdı. Həmin görüşdə Türkiyə təmsilçisi 5-1 hesabı ilə məğlub olmuşdu. Liverpul isə ötən tur Atletiko Madrid ilə qarşılaşıb və 3-2 hesablı qələbə qazanıb.

Azərbaycanın ilk dəfə ev sahibliyi etdiyi III MDB Oyunlarında bu gün 7 idman növü üzrə yarışlar keçiriləcək. Çövkən üzrə Azərbaycan millisi A qrupundakı ikinci oyununda Küveyt yığması ilə qarşılaşacaq. Şəki şəhər stadionundakı görüş saat 12:30-da başlayacaq. Milli komandamız ilk turda Qırğızıstana 4:0 hesabı ilə qalib gəlib.

Azərbaycanın ilk dəfə ev sahibliyi etdiyi III MDB Oyunlarında sambo yarışlarının final görüşlərinə start verilib.

Təxminən 50 tanınmış idmançı, o cümlədən fransalı futbolçu Pol Poqba və mərakeşli Hakim Ziyeş, İsrailin bütün komandalarının Avropa Futbol Assosiasiyaları İttifaqı (UEFA) tərəfindən təşkil olunan yarışlardan uzaqlaşdırılmasını tələb edən bəyanata imza atıb

UEFA Çempionlar Liqasının əsas mərhələsində Bakıda Qarabağla Danimarkanın Kopenhagen komandası arasında keçiriləcək II tur oyuna türk əsilli niderlandlı hakim Sərdar Gözüböyük təyin olunub. Ona yan xətt hakimləri Ervin Zeynstra və Patrik İniya kömək edəcəklər.

Azərbaycanın ev sahibliyi etdiyi III MDB Oyunlarında bu gün səkkiz idman növü üzrə yarışlar keçiriləcək. Qəbələ İdman Olimpiya Kompleksində stolüstü tennis üzrə fərdi yarışların final mərhələsi keçiriləcək. Oyunlar saat 10:00-da başlayacaq. Qəbələ atıcılıq klubunda stend atıcılığı, Gəncə İdman Sarayında üzgüçülük üzrə yarışlar təşkil olunacaq. Qəbələ Şəhər Stadionunda isə iki futbol matçı oynanılacaq. Belarus Özbəkistan, Qırğızıstan Tacikistanla üz-üzə gələcək.

Bu gün Gəncə şəhərində III MDB Oyunlarının açılış mərasimi baş tutacaq. Tədbir şəhər stadionunda saat 19:00-da başlayacaq. Mərasimdə Azərbaycan bayrağını karateçi Asiman Qurbanlı və taekvondoçu Zemfira Həsənzadə daşıyacaqlar.

Azərbaycanın ev sahibliyi etdiyi III MDB Oyunlarında bu gün dörd idman növü üzrə yarışlar keçiriləcək. Qəbələ Olimpiya Kompleksində stolüstü tennis üzrə fərdi yarışların final mərhələsi keçiriləcək. Oyunlar saat 10:00-da başlayacaq. Azərbaycan təmsilçilərindən oğlanlar arasında Onur Quluzadə və Adil Əhmədzadə, qızlardan isə Mərziyə Nurmətova birincilik uğrunda mübarizə aparacaqlar.

Azərbaycanda keçirilən III MDB Oyunlarında stolüstü tennis üzrə fərdi yarışlara start verilib. Qəbələ İdman Kompleksində təşkil olunan yarışda Azərbaycan təmsilçilərindən Yağmur Məmmədli və Mərziyə Nurmətova qüvvələrini sınayıblar. Onlar yarımfinalda müvafiq olaraq, Amina İlımbetova (Rusiya) və Məftunə Qulimova (Özbəkistan) qarşılaşıblar.