Səudiyyə Ərəbistanı Qadınlar Federasiya Kubokunda yarımfinalın ilk oyunları başa çatıb. Cümə axşamı keçirilən gərgin qarşılaşmalardan sonra həm “Hilal”, həm də “Nəsr” rəqibləri üzərində eyni hesabla (2:1) qələbə qazanaraq final yolunda böyük üstünlük əldə ediblər. Lakin hər iki cütlükdə həlledici söz cavab oyunlarında deyiləcək.

Mançester Yunayted akademiyasının yetirməsi Kobbi Mainu klubla yeni müqavilə imzalayıb. Razılaşmaya əsasən, yarımmüdafiəçi 2031-ci ilin iyun ayına qədər komandada qalacaq. Məlumata görə, 21 yaşlı futbolçu klubda qalmaq qərarı verərək transfer ehtimallarını rədd edib. O, artıq əsas heyətin vacib üzvlərindən biri hesab olunur və son mövsümlərdə sabit çıxışı ilə diqqət çəkib.

Qazaxıstanlı məşhur MMA döyüşçüsü Şavkat Rahmonov Bakıda keçiriləcək UFC turnirində iştirak edəcək. Qeyd olunub ki, UFC Fight Night 280 turniri iyunun 27-də Baku Crystal Hallda keçiriləcək. Turnirdə Rahmonovun komanda yoldaşı Asu Almabayev amerikalı Çarlz Conson ilə qarşılaşacaq.

Aprelin 23-dən 26-dək İstanbulda şotokan karate üzrə dünya çempionatı (World Shotokan Championship) keçirilib. On yeddi ölkədən idmançıların iştirak etdikləri yarışların mükafatçıları arasında Azərbaycandan olan iki qardaş da var. Cavad (13 yaş) və Fərhad (8 yaş) Cəfərovlar beş yaşından karate ilə məşğul olurlar və həmin vaxtdan bir sıra yerli və beynəlxalq yarışlarda iştirak ediblər.

Türkiyənin aparıcı futbol klublarından birində mühüm idarəetmə qərarı qəbul edilib. Məlumata görə, qərar klub daxilində yaranmış vəziyyət və mövcud şərtlər nəzərə alınaraq qəbul edilib. Saran bildirib ki, bu addım klubun gələcək inkişafı və yeni mərhələyə keçidi üçün vacib hesab olunur. Onun sözlərinə görə, rəhbərlik dövründə əsas məqsəd komandanın uğurlarını artırmaq və uzun müddətdir davam edən çempionluq həsrətinə son qoymaq olub. Lakin mövcud nəticələr gözləntiləri tam qarşılamadığından, yeni qərarın qəbul edilməsi zəruri sayılıb.

Mançester Yunayted sol cinah müdafiəsini gücləndirmək planlarında ciddi zərbə alıb. Dünya səviyyəli Alfonso Deyvisin bu yay Bayern Münhendən ayrılmaq niyyətində olmadığı bildirilir.

Formula 1 yarışları uzun fasilədən sonra yenidən Türkiyəyə qayıdır və İstanbul Park yenidən qlobal idman xəritəsində ön plana çıxır. Türkiyə Qran-prisi 2027-ci ildən etibarən ən azı 5 il müddətinə Formula 1 təqviminə daxil ediləcək. Yarışların İstanbul Park trasında keçirilməsi planlaşdırılır. Bu tras daha əvvəl 2005–2011-ci illərdə, eləcə də 2020 və 2021-ci illərdə Formula 1 mərhələlərinə ev sahibliyi edib.

Marko Rubio İranın 2026-cı il futbol üzrə dünya çempionatından kənarlaşdırılacağı və onun yerinə İtaliyanın qatılacağı barədə yayılan məlumatları təkzib edib.Qeyd edək ki, daha əvvəl bəzi məlumatlarda ABŞ, Meksika və Kanadanın ev sahibliyi edəcəyi 2026 FIFA Dünya Kubokunda İranın əvəzinə İtaliya millisinin iştirakının təklif olunduğu iddia edilirdi. Lakin rəsmi Vaşinqton bu xəbərləri təsdiqləməyib

Mançester Yunayted klub rəhbərliyi kapitan Bruno Fernandeşin yay transfer pəncərəsində “heç bir halda satılmayacağını” bəyan edib. Qeyd edək ki, mövsümün əvvəlində Fernandeşin təxminən 80 milyon funt sterlinq qarşılığında Səudiyyə Ərəbistanına transferi ilə bağlı iddialar yayılmışdı. Lakin sonradan klub daxilində mövqe dəyişib və rəhbərlik oyunçunu saxlamaq qərarına gəlib.

Real Madrid klubu milli futbolçu Arda Gülərin zədələndiyini açıqlayıb. Bildirilib ki, Arda Gülər təxminən bir ay müddətində yaşıl meydanlardan uzaq qalacaq. Qeyd edək ki, 21 yaşlı yarımmüdafiəçi bu mövsüm bütün turnirlər üzrə 50 oyunda iştirak edib və 6 qol vurub.

Çelsi rəhbərliyi baş məşqçi Liam Rosenior ilə əməkdaşlığa cəmi 104 gündən sonra son qoyub. Komandanın son nəticələri – ardıcıl beş məğlubiyyət və qol vurulmadan keçən oyunlar bu qərarın əsas səbəbi kimi göstərilir. Lakin müqavilədə nəzərdə tutulmuş xüsusi “break clause” (erkən ləğv maddəsi) sayəsində Çelsi bu böyük maliyyə yükündən yayınmağı bacarıb.

ABŞ Prezidenti Donald Trampın xüsusi elçisi Paolo Zampollinin FIFA-ya müraciət edərək qarşıdan gələn Dünya Kubokunda İranın əvəzinə İtaliyanın iştirakını təklif etdiyi iddia olunur. Zampolli bildirib ki, “Azzurri”nin ABŞ-ın ev sahibliyi etdiyi turnuvada çıxış etməsi onun üçün “arzu”dur və dördqat dünya çempionu olan komandanın qatılması üçün kifayət qədər əsas mövcuddur.