BAKI, AzerVoice, Nailə Babazadə
Azərbaycan milli futbol komandası bu gün 2026-cı il dünya çempionatının seçmə mərhələsində İslandiya yığması ilə üz-üzə gələcək. Görüş 8-ci km qəsəbə stadionunda saat 21:00-da start götürəcək.
AzerVoice xəbər verir ki, millimiz bu qarşılaşmaya əvvəlki oyundakı məğlubiyyətdən sonra çıxır.
Komandamız son matçında Ukrayna ilə qarşılaşıb və 1:2 hesabı ilə uduzub. Baş məşqçi bu dəfəki görüşdə səhvləri təkrarlamamaq və azarkeşlərə qələbə sevinci yaşatmaq məqsədində olduqlarını bildirib.
Qrup mərhələsində vacib əhəmiyyət daşıyan bu oyun Azərbaycan yığmasının turnir cədvəlində mövqeyini yaxşılaşdırmaq baxımından önəmlidir. Baş məşqçi komandanın qələbəyə kökləndiyini və azarkeş dəstəyinin həlledici rol oynayacağını vurğulayıb.
Matç “İctimai TV” vasitəsilə canlı yayımlanacaq.