BAKI,AzerVoice, Fərid Mikayılov

UEFA Çempionlar Liqasının dördüncü turunda Qarabağ - Çelsi qarşılaşmasının ilk hissəsi sensasion nəticə ilə yekunlaşıb.

AzerVoice xəbər verir ki, Tofiq Bəhramov adına respublika Stadionunda baş tutan oyunun ilk 45 dəqiqəsində Qarabağ London təmsilçisinə qarşı 2:1 hesabı ilə üstünlük qazanıb.

Matçın ilk hissəsi ərzində Qarabağ daha çox sürətli hücumlara üstünlük verib, topa nəzarət isə əsasən Çelsidə olub. London klubu bir neçə təhlükəli qol epizodu yaratsa da, qapıçı və müdafiə xətti etibarlı oyun sərgiləyib.

Hazırda stadionda böyük coşqu hökm sürür. İkinci hissənin necə nəticələnəcəyi futbol ictimaiyyəti tərəfindən böyük maraqla gözlənilir.

xxx

Azərbaycan çempionu Liqa mərhələsinin IV turunda Bakıda “Çelsi”ni qəbul edib. Tofiq Bəhramov adına Respublika Stadionunda oynanılan qarşılaşmada qalib müəyyənləşməyib - 2:2.

Bu nəticədən sonra xallarını 7-yə çatdıran “Qarabağ” 12-ci pilləyə yüksəlib. Eyni xala malik “Çelsi” isə 10-cu sırada qərarlaşıb.

Qeyd edək ki, “Qarabağ” Liqa mərhələsində 5-ci oyununu noyabrın 26-da İtaliyada “Napoli”yə qarşı keçirəcək.