İsrailin "Haaretz" qəzetinin yaydığı təcili məlumata görə, İsrail ordusu müharibə zamanı təxminən 70 min fələstinlinin həlak olduğunu bildirən Qəzza Səhiyyə Nazirliyinin statistikasını ilk dəfə rəsmən qəbul edib. "Haaretz"in təhlükəsizlik mənbələrinə istinadən verdiyi digər təcili xəbərdə deyilir ki, əldə olunmuş Qəzza sazişi ordu rəhbərliyi üçün "qarışıq və çaşdırıcıdır". Mənbələr bildirir ki, sənəddə bir sıra fundamental məsələlər, o cümlədən HƏMAS-ın tərksilah edilməsi və İsrail qoşunlarının sektordan çıxarılma dərəcəsi qeyri-müəyyən qalıb.

Qarabağ futbol klubu son illərdə təkcə Azərbaycanın deyil, bütövlükdə region futbolunun ən stabil və uğurlu klublarından biridir. Lakin 2025/26 mövsümü Ağdam təmsilçisi üçün sadəcə növbəti uğur deyil, Azərbaycan futbol tarixində yeni bir mərhələnin başlanğıcı oldu. Qarabağın Avropa arenasındakı yüksəlişi təsadüfi deyil. Klub uzun illərdir eyni oyun fəlsəfəsinə, eyni idarəetmə modelinə və ən əsası Qurban Qurbanov faktoruna söykənir. Baş məşqçinin rəhbərliyi altında Qarabağ əvvəlcə Avropa Liqasında, daha sonra Konfrans Liqasında qazandığı təcrübəni bu mövsüm Çempionlar Liqası səviyyəsinə daşıya bildi.

İraqda Nuri əl-Malikinin yeni hökumətin başçısı vəzifəsinə namizədliyi yolu, ölkədəki "İran nüfuzunu zəiflətməyən" bir hökumətin qurulmasına etiraz edən Amerika mesajlarının gəlməsindən sonra iflic vəziyyətinə düşüb. Vaşinqton hazırkı variantları Tehranın yaxınlaşan müharibədən qaçmaq üçün təklif olunan sazişi rədd etməsi kimi qiymətləndirir.

Rəqiblərini və müttəfiqlərini daim intizarda saxlamağa çalışan bir prezident üçün onun xarici siyasətinin indiyə qədərki nəticələri ziddiyyətli olub. Vəzifəyə qayıtdığı ilk ildə beynəlxalq arenada bəzi uğurlar qazansa da, eyni zamanda aşkar uğursuzluqlarla da üzləşib. Ukrayna müharibəsindən tutmuş qlobal gömrük müharibələrinə qədər onun ümumi yanaşmasının uğuru haqqında mülahizə yürütmək hələ tezdir.

21 yanvar 2026-cı ildə ABŞ Prezidenti Donald Tramp Davos Forumundakı çıxışında Hizbullah haqqında qısa, lakin müəmmalı bir mesaj verdi: "Hizbullah ilə bağlı problem var və biz orada nə baş verəcəyini görəcəyik". Bu bəyanat Vaşinqtonun diqqət mərkəzini yenidən Hizbullaha yönəltdi. Hizbullahın baş katibi Naim Qasım isə bir həftə sonra sərt cavab verərək, İrana qarşı hər hansı hücumun bölgəni alovlandıracağını və Ayətullah Əli Xameneiyə qarşı təhdidlərin bölgədəki sabitliyin sui-qəsdi olacağını bildirdi.

İngiltərə Bankının keçmiş analitikinə aid edilən və bankı ABŞ-ın yadplanetlilərin mövcudluğu ilə bağlı "yaxın zamanda verəcəyi açıqlamaya" hazır olmağa çağıran xəbərdarlıq; eyni anda həm geniş mübahisə, həm istehza, həm də narahatlıq dalğasına səbəb olub. İlk baxışda bu xəbər "sarı mətbuat" üçün yüngül bir material kimi görünsə də, məsələyə ciddi yanaşdıqda, yadplanetlilərin var olub-olmaması sualından daha dərin bir problem üzə çıxır. Əsl sual budur: Necə olur ki, kövrək fərziyyələr rasionallıq və institusionallıq tələb edən müzakirələrə sızmağı bacarır?

2026-cı ilin əvvəlindən etibarən Bitkoin bazarında kəskin dalğalanmalar müşahidə olunur. Rəqəmsal valyuta 100 min dollar səviyyəsinə qayıtmağa çalışsa da, daha çox eniş meyili nümayiş etdirib. Son 24 saat ərzində Bitkoin 3 faiz dəyər itirərək 86 226 dollara düşüb, daha sonra isə qismən bahalaşaraq 87 882 dollar səviyyəsində qərarlaşıb. "Presto Research" şirkətinin analitiki Rik Maeda bildirib ki, bu eniş rəqəmsal sektor daxilindəki hadisələrlə deyil, xarici amillərlə bağlıdır. O, Vaşinqtondakı siyasi durğunluğu və federal büdcə ilə bağlı qeyri-müəyyənliyi əsas səbəblər kimi göstərib. "Polymarket" proqnoz platformasına görə, demokratların Daxili Təhlükəsizlik Nazirliyinin maliyyələşdirilməsini bloklamaq hədələri fonunda hökumətin qapadılması (shutdown) ehtimalı 78 faizə çatıb.

Azərbaycan və Ermənistan liderləri – Prezident İlham Əliyev və Baş Nazir Nikol Paşinyanın mənim dostlarıma çevriliblər.

Tarix boyu Rusiya imperiyası, Sovet İttifaqı və müasir Rusiya Federasiyası müxtəlif dövrlərdə onlarla xalqa, dövlətdə və etnik qrupa qarşı həyata keçirdiyi zorakılıqlar, hərbi müdaxilələr və insanlıq əleyhinə cinayətlərlə yadda qalıb. Qafqazda etnik təmizləmələrdən tutmuş Şərqi Avropada işğallara, Orta Asiyada zorla köçürmələrdən tutmuş Yaxın Şərqdə qanlı müdaxilələrə qədər uzanan bu tarix, təkcə siyasi məqsədlərlə deyil, həm də imperiya zehniyyətinin davamı olaraq həyata keçirilib.

Birinci vitse-prezident Mehriban Əliyeva 20 Yanvar faciəsinin ildönümü ilə əlaqədar rəsmi "İnstaqram" səhifəsində paylaşım edib. Paylaşımda deyilir: "20 Yanvar faciəsinin günahsız qurbanlarının əziz xatirəsini ehtiramla yad edirəm. Allah bütün şəhidlərimizə rəhmət eləsin."

Donald Trampın təxminən bir il əvvəl yenidən Ağ Evə qayıdışından sonra ABŞ-də siyasi həyatın ənənələrinə zidd olan, konstitusion institutlara meydan oxuyan qərar və addımların sürətli artımı müşahidə olunur. Onun “Amerika əvvəl” şüarı getdikcə “Mən və Amerika əvvəl” anlayışına çevrilib.

İran rejimi 1979-cu il İslam İnqilabından sonra hakimiyyətə gəldiyi dövrdən etibarən, öz hegemonluğuna yönələn təhlükələri müəyyən etmək, neytrallaşdırmaq və çəkindirmək məqsədilə mürəkkəb, effektiv və sərt təhlükəsizlik institutu formalaşdırmışdır. Sistem xarici hərbi təcavüz, casusluq və sabotaj aktlarından tutmuş daxili vətəndaş iğtişaşlarınadək geniş təhlükə spektrinə qarşı mübarizə aparmaq üçün tələb olunan imkanları və strukturları illər boyu təkmilləşdirib.