Hökumət sözçüsü Fatimə Mühacirani həftə sonundan bəri İran universitetlərində yenidən alovlanan etirazlara ilk rəsmi reaksiyasını verib. O, tələbələrin etiraz etmək hüququnun olduğunu qəbul etsə də, "qırmızı xətlərin" keçilməməsi barədə xəbərdarlıq edib: "Müqəddəs dəyərlər və dövlət bayrağı qorumalı olduğumuz qırmızı xətlərdir. Hətta qəzəbin ən yüksək nöqtəsində belə onlardan kənara çıxmaq olmaz".

24 fevral 2022-ci ildə Rusiya Prezidenti Vladimir Putinin “xüsusi hərbi əməliyyat” adlandırdığı qərar Avropada İkinci Dünya müharibəsindən bəri ən böyük quru müharibəsinin başlanğıcına çevrildi. Kreml sürətli qələbə və Kiyevdə hakimiyyət dəyişikliyi planlaşdırırdı, lakin dörd il sonra müharibə uzanan, tükəndirici və yüksək maliyyətli qarşıdurma mərhələsinə keçib. Müharibənin ilk saatlarında Rusiya Ukrayna ərazisinə raket zərbələri endirdi, hava limanları və hərbi obyektlər hədəfə alındı. Sərhədə toplanmış qoşun birləşmələri paytaxt Kiyev istiqamətində irəlilədi və hətta şəhərin 15 kilometrliyinə qədər yaxınlaşdı. Lakin planlaşdırılan sürətli çöküş baş vermədi. Ukrayna rəhbərliyi geri çəkilmədi, əksinə, müqavimət təşkil etdi.

Azərbaycanın ABŞ Prezidenti Donald Trampın təşəbbüsü ilə yaradılan Sülh Şurasına qoşulması bir neçə strateji amillə izah olunur. Analitik bildirib ki, ilk növbədə Azərbaycanla ABŞ arasında son dövrlərdə formalaşan strateji tərəfdaşlıq münasibətləri bu qərarın əsas səbəblərindəndir. Onun sözlərinə görə, ötən ilin avqustunda Ağ Evdə ABŞ Prezidenti Donald Trampın vasitəçiliyi ilə Prezident İlham Əliyev və Ermənistanın baş naziri Nikol Paşinyan arasında sülh sazişinin paraflanması, bu ilin fevralında isə ABŞ vitse-prezidenti Cey di Vensin Bakıya səfəri zamanı iki ölkə arasında strateji tərəfdaşlıq xartiyasının imzalanması münasibətlərin yeni mərhələyə keçdiyini göstərir.

"Azərbaycan Respublikası ilə Avropa İttifaqı arasında icazəsiz yaşayan şəxslərin readmissiyası haqqında" Saziş çərçivəsində 19 fevral 2026-cı il tarixində Azərbaycan Respublikası vətəndaşı olan 9 nəfər Almaniya Federativ Respublikasından geri qəbul edilib. Qeyd edilib ki, Dövlət Miqrasiya Xidməti tərəfindən fəaliyyəti əlaqələndirilən aidiyyəti dövlət qurumlarının nümayəndələrindən ibarət Reinteqrasiya üzrə İşçi Qrupu readmissiya olunan Azərbaycan Respublikası vətəndaşlarının üzləşdikləri çətinlik və problemlərin operativ həlli, onların cəmiyyətə səmərəli, dayanıqlı sosial-iqtisadi reinteqrasiyası işinin təşkili istiqamətində müvafiq tədbirlər həyata keçirir

BMT İnsan Hüquqları Şurası tərəfindən təyin edilmiş müstəqil ekspertlər qrupu bəyan edib ki, cinsi cinayətlərə görə məhkum edilmiş mərhum amerikalı iş adamı Ceffri Epşteynlə bağlı sənədlər "insanlığa qarşı cinayət" səviyyəsinə çatan əməllər törətmiş "qlobal cinayət şəbəkəsinin" mövcudluğunu göstərir.

ABŞ-ın milli təhlükəsizlik sahəsindəki yüksək rütbəli rəsmiləri Prezident Donald Trampa ordunun gələn şənbə günündən etibarən İrana qarşı mümkün zərbələr endirməyə tam hazır olduğu barədə məlumat veriblər. "CBS News" telekanalına danışan məlumatlı mənbələrin bildirdiyinə görə, hər hansı bir hərbi hərəkətliliyin qrafiki həftə sonundan sonrakı dövrü də əhatə edə bilər.

Sahur etmək vacibdirmi? İslam alimlərinə görə sahur sünnətdir, lakin vacib deyil – Peyğəmbərimizin (s.ə.s.) hədislərinə əsasən, sahur bərəkətlidir və orucu asanlaşdırır.

Ramazan ayında oruc tutanlar üçün sahur yeməyi gün boyu enerji səviyyəsini qorumaq və susuzluğun qarşısını almaq baxımından çox önəmlidir. Lakin bəzi qidalar səhvən istehlak edildikdə aclıq və susuzluğu artıraraq oruc tutmağı çətinləşdirə bilər. Bu məqalədə sahurda yeməməli olduğumuz qidalar haqqında danışacağıq.

Ram 1500 RHO və ya "Hellcat" mühərrikli SRT TRX üçün əlavə xərc çəkmək istəməyənlər üçün "Rebel" modeli brendin yolsuzluq (off-road) yönümlü yük maşınlarına giriş nöqtəsidir. Bəs Rebel-inizin digər qardaşlarından bir az daha çox fərqlənməsini və daha dəbdəbəli xüsusiyyətlərə malik olmasını istəyirsinizsə necə? Məhz buna görə Ram 2026-cı il modeli üçün Rebel X paketini yenidən həyata qaytarıb.

İranın "ISNA" xəbər agentliyinin hərbi sözçüyə istinadən verdiyi məlumata görə, sabah — cümə axşamı günü İran və müttəfiqi Rusiya Oman dənizində birgə hərbi təlimlər keçirəcək. Bu qərar İran və ABŞ arasında aparılan danışıqlardan dərhal sonraya təsadüf edir. Hərbi sözçü Həsən Maqsudlu bildirib ki, "Birgə Dəniz Təlimləri" Oman dənizi və Hind okeanının şimal hissəsində baş tutacaq. Maqsudlunun sözlərinə görə, təlimlərin məqsədi regionda dəniz təhlükəsizliyini gücləndirmək və hər iki ölkənin hərbi dəniz qüvvələri arasında əlaqələri inkişaf etdirməkdir. Təlimlərin nə qədər davam edəcəyi barədə məlumat verilməyib.

Xəbər verdiyimiz kimi, bu gün Bakı Şəhər İcra Hakimiyyətində keçirilən müşavirədə Suraxanı Rayon İcra Hakimiyyətinin başçısı Adil Əliyevə töhmət verilib. A.Əliyevə töhmət verilməsinə səbəb rayon ərazisində qanunsuz tikintilərin sayının çoxluğu olub. Belə ki, müşavirədə Suraxanıda qanunsuz tikinti hallarının artdığı, rayonun digərləri ilə müqayisədə bu baxımdan "seçildiyi" vurğulanıb. Bununla yanaşı, rayon tabeliyində olan qəsəbələrdə sanitar təmizliyin olmaması, zibillərin götürülməməsi ilə bağlı da icra başçısına irad tutulub.

Ramazan ayının təqvimi məlum oldu. Bu barədə Qafqaz Müsəlmanları İdarəsi məlumat yayıb. Ramazan ayının ilk günü fevralın 19-na təsadüf edəcək. Qədr gecələri 8, 10, 12 və 16 mart tarixlərindədir. Ramazan bayramı isə martın 20-də olacaq.