Bakı,AzerVoice
Tradisionalizm (traditionalism) ənənəyə və adət-ənənələrə böyük əhəmiyyət verən, ənənəvi dəyərlərin və qanun-qaydaların qorunub saxlanmasına çalışan, ənənəvi olan hər şeyi modernlikdən üstün hesab edən baxışlar sistemidir.
Tradisionalizm ənənənin ilahi hikmətlərdən qaynaqlandığı fikrinə əsaslanır. Məhz buna görə ənənənin müasir və ağla söykənən ideyalara tərcih edilməsinin məqsədəuyğunluğu müdafiə edilir.
Tradisionalizm cərəyanı mühafizəkar mövqeyinə görə tənqid edilir. Belə ki, tradisionalizm mövcud durumun legitimləşdirilməsi, “status-kvo”nun saxlanması, dəyişikliklər, yeniliklər və tərəqqiyə qarşı olma baxımından ciddi etirazlara məruz qalmışdır.
