BAKI, AzerVoice, Nailə Babazadə

Türkiyədə oktyabr ayında işsizlik əvvəlki aya nisbətən 0,1 faiz azalaraq 8,5 faiz səviyyəsində qeydə alınıb.

AzerVoice xəbər verir ki, bu barədə Türkiyə Statistika Qurumu (TÜİK) məlumat yayıb.

Məlumata görə, 15 yaş və yuxarı şəxslər arasında işsizlərin sayı bir əvvəlki aya nisbətən 27 min nəfər azalaraq 3 milyon 33 min nəfərə çatıb. İşsizlik səviyyəsi kişi işçilər arasında 7 faiz, qadınlarda isə 11,3 faiz təşkil edib.

Eyni dövrdə məşğul şəxslərin sayı 185 min nəfər artaraq 32 milyon 772 min nəfər, məşğulluq səviyyəsi isə 0,2 faiz artaraq 49,2 faiz olub. Kişilər arasında məşğulluq səviyyəsi 66,5 faiz, qadınlarda isə 32,4 faiz təşkil edib.

Əmək bazarında iştirak edənlərin sayı 157 min nəfər artaraq 35 milyon 804 min nəfərə çatıb, əmək bazarına qatılma səviyyəsi isə 0,2 faiz artaraq 53,8 faiz olub. Bu göstərici kişi işçilər arasında 71,5 faiz, qadınlarda isə 36,5 faizdir.

15-24 yaş qrupunda gənclər arasında işsizlik səviyyəsi bir əvvəlki aya nisbətən 0,6 faiz artaraq 15,6 faiz olub. Bu yaş qrupunda kişi işçilər arasında işsizlik 12,9 faiz, qadınlarda isə 20,6 faiz təşkil edib.

İşləyənlərin həftəlik orta faktiki iş saatı oktyabr ayında əvvəlki aya nisbətən 0,7 saat azalaraq 42,2 saat olub.

Bundan əlavə, zamana bağlı eksik məşğulluq, potensial əmək qüvvəsi və işsizlərdən ibarət atıl əmək qüvvəsi səviyyəsi oktyabr ayında bir əvvəlki aya nisbətən 1,1 faiz bəndi artaraq 29,6 faiz olub. Zamana bağlı eksik məşğulluq və işsizlərin birləşmiş göstəricisi 20 faiz, işsiz və potensial əmək qüvvəsinin birləşmiş göstəricisi isə 19,5 faiz təşkil edib.