Səudiyyə Ərəbistanı Krallığının Xarici İşlər Nazirliyi 9 yanvar 2026-cı il tarixində İsrail rəsmisinin Somali Federal Respublikasının ayrılmaz hissəsi olan Somaliland bölgəsinə səfərini qanunsuz hesab edən birgə bəyanat yayıb. Bəyanat Səudiyyə Ərəbistanı, Əlcəzair, Banqladeş, Komor adaları, Cibuti, Misir, Qambiya, İndoneziya, İran, İordaniya, Küveyt, Liviya, Maldiv adaları, Nigeriya, Oman, Pakistan, Fələstin, Qətər, Somali, Sudan, Türkiyə və Yəmənin xarici işlər nazirləri, eləcə də İslam Əməkdaşlıq Təşkilatı tərəfindən imzalanıb. Bəyanat Səudiyyə Ərəbistanı, Əlcəzair, Banqladeş, Komor adaları, Cibuti, Misir, Qambiya, İndoneziya, İran, İordaniya, Küveyt, Liviya, Maldiv adaları, Nigeriya, Oman, Pakistan, Fələstin, Qətər, Somali, Sudan, Türkiyə və Yəmənin xarici işlər nazirləri, eləcə də İslam Əməkdaşlıq Təşkilatı tərəfindən imzalanıb.

20-dən çox ölkə Somalinin suverenliyini və ərazi bütövlüyünü bir daha təsdiqləyərək, İsrailin xarici işlər nazirinin Somalinin separatçı bölgəsi olan Somalilanda səfərini qanunsuz adlandırıb. Bu barədə cümə günü yayımlanan birgə bəyanatda qeyd olunub. Bəyanata imza atan 21 ölkə bunlardır: Səudiyyə Ərəbistanı, Əlcəzair, Banqladeş, Komor adaları, Cibuti, Misir, Qambiya, İndoneziya, İran, İordaniya, Küveyt, Liviya, Maldiv adaları, Nigeriya, Oman, Pakistan, Fələstin, Qətər, Somali, Sudan və Türkiyə. Həmçinin, müsəlman ölkələrinin böyük əksəriyyətini təmsil edən İslam Əməkdaşlıq Təşkilatı da bəyanatı dəstəkləyib.

ABŞ Dövlət Departamenti Qırğızıstan, Tacikistan və Türkmənistanı turist və işgüzar B1/B2 vizaları üçün məcburi vizə depoziti tətbiq edilən 38 ölkənin siyahısına daxil edib. Yeni qaydalara əsasən, viza üçün müraciət edən şəxslərdən 5 min, 10 min və ya 15 min ABŞ dolları məbləğində depozit tələb oluna bilər. Depozitin məbləği konsulluqda keçirilən müsahibə zamanı fərdi qaydada müəyyən edilir.

Türkiyə Xarici işlər naziri Hakan Fidan bu gün Suriya Xarici İşlər naziri Əsəd Həsən əş-Şeybani ilə telefon danışığı aparıb. Danışıq zamanı Hələb şəhərində baş verən son hadisələr müzakirə edilib. Türkiyə XİN-in mənbələrindən verilən məlumata görə, Hakan Fidan Suriya Xarici İşlər naziri Əsəd Həsən əş-Şeybani ilə telefon əlaqəsi saxlayıb. Görüşdə Hələbdə yaşanan son hadisələr diqqət mərkəzində olub.

ASELSAN-ın baş direktoru Ahmet Akyol bildirib ki, şirkətin 14 noyabr 1975-ci ildə Ankarada 4 nəfərlə başlayan fəaliyyəti bu gün, 50-ci ilində, 13 min nəfərlik böyük bir kollektivlə davam edir. Hazırda ASELSAN 25 ölkədə aktiv fəaliyyət göstərir və Anadolunun müxtəlif bölgələrində istehsal müəssisələrinə malikdir. Akyol qeyd edib ki, ASELSAN Borsa İstanbul-da bazar dəyəri 1 trilyon liraya çatan ilk Türkiyə şirkəti olub. Şirkət hazırda Türkiyənin ən dəyərli, Avropanın 8-ci, dünyanın isə 20-ci ən böyük müdafiə sənayesi şirkəti mövqeyindədir.

ASELSAN bu il çoxqatlı inteqrasiya olunmuş hava hücumundan müdafiə sistemi ÇELİKKUBBE-nin tədarükünü intensiv şəkildə davam etdirəcək. Sistemin komponentlərindən biri olan EJDERHA Yüksək Güclü Elektromaqnit Qarşı Tədbir Sistemi də bu il istifadəyə veriləcək. ASELSAN-ın baş direktoru Ahmet Akyol SAHA İstanbul-un “SAHA Sohbet” proqramında çıxışı zamanı bildirib ki, ÇELİKKUBBE uzun illər ərzində formalaşmış radar, rabitə, naviqasiya, komanda-idarəetmə və elektron müharibə təcrübəsi üzərində qurulub. Sistemin əsasını ASELSAN tərəfindən hazırlanmış süni intellekt əsaslı proqram təminatı və hərbi 5G əsaslı şəbəkə təşkil edir.

Londonda keçirilən Türkiyə-Birləşmiş Krallıq Ortaq İqtisadi və Ticarət Komitəsinin (JETCO) 8-ci Dövr Toplantısında iki ölkə arasında ticarət həcminin 40 milyard dollara çatdırılması qərara alınıb. Toplantıya Türkiyə Ticarət Naziri Ömər Bolat və Birləşmiş Krallıq İş və Ticarət Naziri Peter Kyle rəhbərlik ediblər. Nazir Bolat görüşdə Türkiyənin strateji mövqeyindən qaynaqlanan imkanları, investisiya mərkəzi olmaq potensialını və Birləşmiş Krallıqla ikitərəfli ticarətə yönəlmiş gələcək strategiyaları vurğulayıb. Toplantı çərçivəsində JETCO Protokolu, 2026-2027-ci illər Fəaliyyət Planı və Səlahiyyətli Öhdəlik Sahiblərinin Qarşılıqlı Tanınması Qaydaları imzalanıb.

Türk Hava Yolları (THY) İranda artan etirazlar və təhlükəsizlik riskləri fonunda İranın paytaxtı Tehrana planlaşdırılan bütün reysləri ləğv edib. Bununla yanaşı, müxtəlif İran aviadaşıyıcıları tərəfindən icra edilən daha beş reys də ləğv olunub. Hazırda yeddi reysin qrafik üzrə saxlanıldığı bildirilsə də, Tehranın beynəlxalq hava limanında vəziyyətin dinamik olduğu və qeyri-müəyyənlik davam etdiyi qeyd olunur.

Türkiyə Daxili İşlər Naziri Ali Yerlikaya İstanbul mərkəzli, ölkə xaricində cəzaçəkmə müəssisəsində olan bir cinayətkarın rəhbərlik etdiyi təşkil olunmuş cinayətkar dəstəyə qarşı keçirilən əməliyyatlarda 96 nəfərin saxlanıldığını açıqlayıb. Nazir Yerlikaya sosial media hesabında yazdığı açıqlamada təşkil olunmuş cinayətkar dəstələrə qarşı mübarizənin qətiyyətlə davam etdiyini vurğulayıb.

Birləşmiş Millətlər Təşkilatının Fələstinli Qaçqınlara Yardım və İşlər üzrə Agentliyi (UNRWA) yaxın həftələrdə Türkiyədə ofis açmağı planlaşdırır. UNRWA-nın baş komissarı Filipp Lazzarini Ankarada keçirdiyi mətbuat konfransında bildirib ki, agentlik Türkiyə hökuməti ilə ofisin açılması ilə bağlı yekun sazişi imzalayıb. Onun sözlərinə görə, UNRWA-nın Türkiyədə daimi nümayəndəliyinin yaradılması agentlik üçün mühüm addımdır.

Türkiyə rəhbərliyi Hələbdə Suriya hökumət qüvvələri ilə Suriya Demokratik Qüvvələri (SDQ- PKK terror təşkilatının Suriya qolu) arasında artıq üç gündür davam edən silahlı toqquşmaların dayandırılması üçün Suriya hökumətinə dəstək verməyə hazır olduğunu bəyan edib. Bu fonda İsrail isə Hələbdə kürd azlığına qarşı hücumlarla bağlı narahatlığını ifadə edib.

Türkiyə Prezidenti Rəcəb Tayyib Ərdoğan, CHP-nin sədri Özgür Özəlin partiyasının dünən Beykozda keçirdiyi mitinqdə səsləndirdiyi fikirlərə görə 500 min lirə məbləğində mənəvi təzminat iddiası qaldırıb. Bu barədə Rəcəb Tayyib Ərdoğanın vəkili Hüseyn Aydın sosial şəbəkə hesabında açıqlama verib. Aydın bildirib ki, CHP sədri Özgür Özəlin 7 yanvar 2026-cı il tarixində Beykozda təşkil olunan mitinqdə çıxışı zamanı Prezident Ərdoğana qarşı səsləndirdiyi uyğun olmayan ifadələr, əsassız və məntiqsiz ittihamlar səbəbilə Ankara Birinci İnstansiya Mülki Məhkəməsində 500 min lirəlik mənəvi təzminat iddiası qaldırılıb.