Türk Qızıl Ayparası tərəfindən Qəzza zolağındakı təxirəsalınmaz ehtiyacları qarşılamaq üçün hazırlanan və daxilində təxminən 1400 ton humanitar yardım materialı olan 20-ci "Yaxşılıq gəmisi" Mersin Beynəlxalq Limanından mərasimlə yola salınıb.

Türkiyənin müdafiə sənayesi nəhəngi ASELSAN, dəniz platformalarına güc qatan və dünya sularında özünü doğrultmuş SMASH (MUHAFIZ) Uzaqdan Komandalı Stabilləşdirilmiş Silah Sistemləri ailəsinə yeni texnoloji qabiliyyətlər qazandırır. Türkiyədə "MUHAFIZ" adı ilə tanınan bu sistemlər 30 mm, 25 mm və 12,7 mm kimi müxtəlif çaplı seçimləri ilə uzaqdan idarə olunan, yüksək dəqiqlikli müdafiə həlli kimi istifadəyə verilib. Sistem, lülədən asılı olmayaraq hərəkət edən həssas stabilləşdirici yönləndirici sayəsində ən çətin dəniz şəraitində və platforma hərəkət halında olarkən belə nişan xəttini hədəf üzərində sabit saxlaya bilir.

Türkiyənin xarici işlər naziri Hakan Fidanın ev sahibliyi ilə Balkan Sülh Platformasının ikinci iclası bu gün İstanbulda keçirilir. Regional dialoqun gücləndirilməsi məqsədilə təsis edilən platformanın bu görüşündə Albaniya, Bosniya və Herseqovina, Monteneqro, Kosovo, Şimali Makedoniya və Serbiya xarici işlər nazirlərinin iştirakı nəzərdə tutulur.

Türkiyə Silahlı Qüvvələri Türkiyə və ABŞ ordularının ali hərbi rəhbərləri arasında mühüm görüşün baş tutduğunu açıqlayıb. Türkiyə Respublikası Baş Qərargah rəisi ordu generalı Selçuk Bayraktaroğlu NATO Hərbi Komitəsinin Baş Qərargah rəislərinin toplantısı çərçivəsində ABŞ Baş Qərargah rəisi ordu generalı Con Daniel Keyn ilə ikitərəfli görüş keçirib. Görüş zamanı Türkiyə–ABŞ hərbi münasibətləri, eləcə də regional təhlükəsizlik məsələləri müzakirə olunub.

Türkiyə Prezidenti Rəcəb Tayyib Ərdoğan İran Prezidenti Məsud Pezeşkian ilə telefon danışığı aparıb. Türkiyə Prezidenti regionda mövcud problemlərin dialoq yolu ilə həll edilməsinin və gərginliyin qarşısının alınmasının Türkiyənin milli maraqlarına cavab verdiyini vurğulayıb. Onun sözlərinə görə, sabitliyin qorunması həm ikitərəfli münasibətlər, həm də regional təhlükəsizlik baxımından xüsusi əhəmiyyət daşıyır.

Türkiyə iqtisadiyyatı 1,5 trilyon dolları keçərək tarixi rekord qırıb. bu sözləri Türkiyə Prezidenti Rəcəb Tayyib Ərdoğan Türkiyə Girişimci İş İnsanları Konfederasiyasının (TÜGİK) 7-ci Növbədənkənar Baş Assambleyasında çıxış edərək bildirib. Ölkənin son dörddəbir əsrdə qət etdiyi iqtisadi sıçrayışdan danışıb. Dövlət başçısı Türkiyə iqtisadiyyatının 1 trilyon 538 milyard dollar səviyyəsinə yüksələrək yeni bir rekorda imza atdığını diqqətə çatdırıb. O qeyd edib ki, Türkiyə 2025-ci ilin üçüncü rübündə 3,7 faiz artım nümayiş etdirərək İƏİT (OECD) ölkələri arasında ən sürətlə böyüyən üçüncü iqtisadiyyat olmağı bacarıb.

21 yanvar 2026-cı il tarixində Qırğız Respublikasına rəsmi səfər çərçivəsində Türk Mədəniyyəti və İrsi Fondunun prezidenti xanım Aktotı Raimkulova ilə Qırğız Respublikasının Mədəniyyət, İnformasiya və Gənclər Siyasəti naziri cənab Mirbek Mambetaliyev arasında görüş keçirilib. Görüşdə nazir müavini Askaraly Madaminov və Beynəlxalq Əlaqələr şöbəsinin müdiri cənab Nusubalı Yakupbekov da iştirak ediblər.

Türkiyə Hərbi Hava Qüvvələrinin komandanı ordu generalı Ziya Cemal Kadıoğlu "Typhoon" döyüş təyyarələrinin tədarük prosesini müzakirə etmək məqsədilə Qətərdə bir sıra strateji görüşlər keçirib. Türkiyə Milli Müdafiə Nazirliyində keçirilən həftəlik mətbuat məlumatlandırma toplantısından sonra yanvarın 18-19-da baş tutan bu səfərlə bağlı detallar açıqlanıb. Qətər Hərbi Hava Qüvvələri komandanının ev sahibliyi etdiyi görüşdə Böyük Britaniya Hərbi Hava Qüvvələri komandanı da iştirak edib. Üçtərəfli toplantıda təyyarələrin tədarükündən əvvəlki təlim prosesləri və atılacaq digər texniki addımlar ətraflı nəzərdən keçirilib.

Türkiyə Milli Müdafiə Nazirliyi (MSB) Mardinin Nusaybin sərhədində Türkiyə bayrağına qarşı törədilən hücumla bağlı sərt bəyanat yayıb. Türkiyə Milli Müdafiə Nazirliyində keçirilən həftəlik mətbuat məlumatlandırma toplantısından sonra mətbuat mənsublarının gündəmdəki sualları ilə bağlı açıqlamalar verilib. Nazirlik rəsmi Nusaybin sərhədində bir qrup terror təşkilatı tərəfdarının qanunsuz sərhəd keçidi cəhdi zamanı köhnə gömrük sahəsində yerləşən Türkiyə bayrağını hədəf almasını mütəşəkkil təxribat kimi qiymətləndirib. Açıqlamada bu çirkin hücumun birbaşa türk millətinin milli və mənəvi həssaslıqlarına qarşı yönəldiyi vurğulanıb.

Türkiyənin təhlükəsizlik mənbələri Suriyanın şimalındakı hərbi və diplomatik dəyişiklikləri təhlil edərək terror təşkilatı PKK-nın Suriya qolu olan SDQ-nin tamamilə zəiflədiyini bəyan edib. təhlükəsizlik qaynaqları SDQ-nin nəzarət etdiyi ərazilərin böyük hissəsini itirdiyini və artıq beynəlxalq diplomatiyada korumasız qaldığını vurğulayıb. Məlumata görə terror təşkilatı El-Hol düşərgəsindən geri çəkilib və Həsəkəni İraqa bağlayan strateji Yarubiyə sərhəd keçid məntəqəsi Suriya ordusunun nəzarətinə keçib. Bu inkişaf SDQ ilə İraqdakı Qəndil kadrları arasındakı logistik və strateji bağı tamamilə qırıb. Eyni zamanda Karakozak körpüsü ətrafı və Süleyman Şah türbəsinin yerləşdiyi bölgə də terrorçulardan təmizlənib.

Türkiyənin daxili işlər naziri Ali Yerlikaya ölkənin bütün əyalətlərində qeyri-qanuni miqrasiya və insan alverinə qarşı keçirilən genişmiqyaslı yoxlamaların nəticələrini açıqlayıb. Miqrasiya İdarəsi, daxili qoşunlar və polis qüvvələrinin koordinasiyalı şəkildə həyata keçirdiyi əməliyyatlarda 19 miqrant qaçaqmalçılığı təşkilatçısı yaxalanıb. Nazir Yerlikaya sosial media hesabında bildrib ki, 27 mindən çox personalla 14 mindən çox müxtəlif məkanda aparılan yoxlamalar zamanı 372 min 409 nəfərin şəxsiyyəti yoxlanılıb. Əməliyyat nəticəsində ölkə ərazisində qanunsuz məskunlaşan 478 düzənsiz miqrant saxlanılaraq deportasiya mərkəzlərinə təhvil verilib.

2025-ci ilin dekbar ayında Türkiyənin Qaziantep Hava Limanına gələn sərnişinlərin sayı 2024-cü ilin eyni dövrü ilə müqayisədə 4 faiz artaraq, 3 milyon 72 min 205 nəfər olub. Nazirlikdən verilən məlumata görə, 2025-ci ilin dekabr ayında hava limanının daxili reyslər üzrə sərnişin daşıma 2024-cü ilin analoji dövrü ilə müqayisədə 1 faiz artaraq, 2 milyon 605 min 368 nəfər, beynəlxalq reyslər üzrə isə 24 faiz artaraq 466 min 837 nəfər təşkil edib.