Rusiya–Ukrayna müharibəsinin uzanması ilə bağlı Türkiyənin mövqeyi bir daha açıqlanıb. Türkiyə Böyük Millət Məclisinin Xarici Əlaqələr Komitəsinin sədri Fuat Oktay Bakıda jurnalistlərə bildirib ki, Ankara qarşıdurmanın ən qısa zamanda dayandırılmasını dəstəkləyir. Fuat Oktay bəyan edib ki, artıq beşinci ilinə qədəm qoyan müharibə təkcə tərəfləri deyil, bütövlükdə regionu ciddi şəkildə yorub və geniş siyasi-iqtisadi fəsadlara səbəb olub. Onun sözlərinə görə, davam edən hərbi əməliyyatlar nə regional sabitliyə, nə təhlükəsizliyə, nə də iqtisadi inkişafa xidmət edir.

Türkiyənin Enerji və Təbii Sərvətlər naziri Alparslan Bayraktar Türkiyə ilə Cənubi Koreya arasındakı ikitərəfli ticarət həcminin 2025-ci il etibarilə 11 milyard dollara çatdığını açıqlayıb. Türkiyə-Cənubi Koreya İqtisadi və Texniki Əməkdaşlıq üzrə Qarışıq Komissiyanın 9-cu iclasında çıxış edən nazir iki ölkə arasındakı münasibətlərin sadəcə iqtisadi deyil, həm də Koreya Müharibəsindən gələn tarixi qardaşlıq bağlarına dayandığını vurğulayıb. O bildirib ki, gələn il diplomatik əlaqələrin qurulmasının 70-ci ildönümü qeyd olunacaq və bu, tərəfdaşlığın daha yüksək mərhələyə daşınması üçün mühüm məsuliyyət yaradır.

Türkiyənin Nəqliyyat və İnfrastruktur naziri Abdulkadir Uraloğlu Avropa Hava Naviqasiyası Təhlükəsizliyi Təşkilatının (EUROCONTROL) son məlumatlarına əsasən, ölkənin hava naviqasiyası xidmətlərində bütün zamanların ən yüksək göstəricisinə uşatdığını bildirib. Rəsmi statistikaya görə, 2026-cı ilin yanvar ayında Türkiyə 1 milyon 671 bin 405 xidmət vahidi ilə EUROCONTROL sistemi daxilində indiyədək qeydə alınan ən yüksək səviyyəyə çatıb. Bu göstərici ilə Türkiyə, təşkilatın üzvü olan 42 ölkə arasında liderliyini perçinləyib.

Türkiyə Prezidenti Rəcəb Tayyib Ərdoğanın 22 il fasilə ilə gerçəkləşdirdiyi HAVELSAN ziyarətləri ölkənin müdafiə sənayesindəki milli dönüşümün ən bariz göstəricisinə çevrilib. Bu müddət ərzində Türkiyə müdafiə sənayesi sadəcə "montajçı" və "lisenziyalı istehsalçı" statusundan çıxaraq, öz layihələrini dizayn edən və dünyaya texnologiya ixrac edən bir güc mərkəzinə çevrilib. Bu transformasiyanın əsası 2004-cü ildə qəbul edilən və "hazır alış" əvəzinə "yerli istehsal" modelini ön plana çıxaran tarixi qərarlarla qoyulub.

Türkiyənin Batman şəhəri mərkəz olmaqla 10 müxtəlif vilayətdə keçirilən genişmiqyaslı əməliyyat nəticəsində qanunsuz mərc oyunları təşkil edən böyük şəbəkə çökdürülüb. Batman Respublika Baş Prokurorluğunun kordinasiyası ilə həyata keçirilən təhqiqatlar zamanı məlum olub ki, cinayətkar qruplaşma virtual qumar saytlarından əldə edilən "çirkli pulları" müxtəlif bank hesablarına, oradan isə iz itirmək məqsədilə kripto pul hesablarına köçürərək yuyub.

Türkiyənin Vitse-prezidenti Cevdet Yılmaz Balıkəsirdə baş verən təyyarə qəzasında şəhid olan qəhrəman pilotun ailəsinə və türk millətinə səbir diləyib. Cevdet Yılmaz özünün sosial media hesabında etdiyi paylaşımda Balıkəsirdəki 9-cu Əsas Şırnaq (Jet) Bazasında tapşırıq uçuşu yerinə yetirən F-16 qırıcısının qəzaya uğradığını bildirib. O, qəza nəticəsində şəhid olan hərbçiyə Allahdan rəhmət diləyərək hadisənin dərindən araşdırılacağını vurğulayıb.

Açıqlamada vurğulanıb ki, Türkiyə dövləti qonşu ölkələrin ərazi bütövlüyünə və suverenliyinə hər zaman hörmət göstərir. Eyni zamanda qeyd edilib ki, sərhəd təhlükəsizliyinin təmin olunması məqsədilə böhran vəziyyəti olub-olmamasından asılı olmayaraq 7 gün 24 saat prinsipi əsasında zəruri tədbirlər həyata keçirilir.

Türkiyənin Balıkesir vilayətində 9-cu Ana Reaktiv Baza Komandanlığının aviasiya parkına məxsus F-16 qırıcısı planlı uçuş zamanı qəzaya uğrayıb. Hadisə gecə saat 00:50 radələrində baş verib. Məlumata görə, bazadan qalxan F-16 qırıcısı havaya qalxdıqdan qısa müddət sonra qəzaya düşüb. Təyyarə İstanbul–İzmir magistral yolunun Karesi istiqamətində yol kənarına çırpılıb. Zərbə nəticəsində təyyarənin hissələri ətrafa səpələnib.

İsrail Prezidenti İsxak Hersoqun Efiopiyaya rəsmi səfəri Afrika Buynuzunda artan geosiyasi rəqabət fonunda yeni mərhələnin başlanğıcı kimi qiymətləndirilir. 24–25 fevral tarixlərində paytaxt Əddis-Əbəbədə keçirilən görüşlər İsrailin Afrikada mövqelərini möhkəmləndirmək, Qırmızı dəniz hövzəsində strateji dayaqlar yaratmaq və regional güclər arasında balans qurmaq cəhdinin tərkib hissəsidir. Səfər Afrika İttifaqının sammitindən sonra baş tutur və Efiopiyanın qitədə siyasi mərkəz statusunu nəzərə alaraq seçilmiş diplomatik zamanlama kimi diqqət çəkir.

ABŞ-ın İsraildəki səfiri Mayk Hakkabinin İsrailin Yaxın Şərqdə tam nəzarət yaratmasını "məqbul" hesab edən bəyanatlarından sonra yaranan diplomatik böhran dərinləşir. Tramp administrasiyasının bu sözləri təkzib etməsi İsrail mətbuatının sərt reaksiyasına səbəb olub. Türkiyə, Səudiyyə Ərəbistanı, Misir və Pakistan da daxil olmaqla 14 İslam ölkəsinin kəskin qınağından sonra Vaşinqton geri addım atmaq məcburiyyətində qalıb. Tramp administrasiyası səfir Hakkabinin sözlərinin rəsmi ABŞ siyasətini əks etdirmədiyini bəyan edib.

Türkiyə Böyük Millət Məclisinin sədri Numan Kurtulmuş, Türkiyə Milliyətçi Hərəkat Partiyası sədri Devlet Bahçeli ilə parlamentdəki kabinetində bir araya gəlib. Təxminən 30 dəqiqə davam edən qapalı görüşdən sonra mətbuata açıqlama verən Kurtulmuş, bu ziyarətin əsas məqsədinin "Terrorsuz Türkiyə" hədəfi çərçivəsində yaradılan Milli Həmrəylik, Qardaşlıq və Demokratiya Komissiyasının işinə verdiyi dəstəyə görə Bahçeliyə təşəkkür etmək olduğunu bildirib. O, komissiyada təmsil olunan digər siyasi partiyaların rəhbərləri ilə də görüşlərini davam etdirəcəyini vurğulayıb.

Antalya Respublika Baş Prokurorluğunun koordinasiyası ilə Polis İdarəsinin Kiber Cinayətlərlə Mübarizə Şöbəsinin qrupları qanunsuz mərc şəbəkəsinə qarşı genişmiqyaslı əməliyyata başlayıb. Texniki və fiziki izləmələr nəticəsində şəhərdə qanunsuz mərc oyunlarının təşkil edildiyi 3 fərqli ofis aşkar edilib. Şübhəlilərin bank hesablarını araşdıran mütəxəssislər, bu şəbəkə üzərindən ümumilikdə 3 milyard 400 milyon türk lirəsi dəyərində pul dövriyyəsinin həyata keçirildiyini müəyyən ediblər.