Bakı. AzerPress:
Türkiyə Böyük Millət Məclisinin (TBMM) sədri Numan Kurtulmuş Beynəlxalq Türk Mədəniyyəti Təşkilatının (TÜRKSOY) baş katibi Sultan Raevi və onu müşayiət edən nümayəndə heyətini qəbul edib.
AzerPress xəbər verir ki, TÜRKSOY-un baş katibi Raev Türkiyə Böyük Millət Məclisinin sədri Kurtulmuşa qurumun fəaliyyəti barədə məlumat verib.
"TBMM türk mədəniyyətinin təbliği üçün hər cür dəstəyi verməyə hazırdır", - deyə N.Kurtulmuş qeyd edib.
Bundan əlavə, qəbulda TÜRKSOY-un baş katibinin müavini Sayit Yusuf da iştirak edib.