Səudiyyə Ərəbistanının "KSrelief" humanitar yardım agentliyi dünyanın ən həssas icmalarına həyati əhəmiyyətli yardımların çatdırılmasını sürətləndirib. Agentlik son fəaliyyətləri çərçivəsində Suriya Ərəb Respublikasının Hələb quberniyasında didərgin düşmüş 272 ailəyə sığınacaq dəstləri paylayıb.

Yəmən, zəngin tarixi və mədəni irsinə baxmayaraq, uzun illərdir davam edən münaqişələr və xarici müdaxilələr səbəbindən humanitar böhranla üz-üzə qalan, lakin xalqının dözüm və qüruru ilə ayaqda qalmağa çalışan bir ölkədir.

Ədəndəki beynəlxalq səviyyədə tanınan hökumət dövlət institutlarını bərpa edə bilmir, Sənanı nəzarətdə saxlayan husilər isə idarə etdikləri ərazilərdə sabitlik yarada bilmirlər. İsrailin son hava hücumlarında husilərin rəhbərləri hədəfə alındıqdan sonra, Sənada yeni hökumət formalaşdırılıb. Ədəndə isə Prezidentlik Şurası daxilində fikir ayrılıqları dərinləşib və bu, hökumətin fəaliyyətini zəiflədib.

İranın dəstəklədiyi Yəməndəki husilər, İsrailin paytaxt Səna şəhərindəki elektrik stansiyası və yaşayış məhəllələrinə hava hücumları nəticəsində 9 nəfərin həlak olduğunu, 174 nəfərin isə yaralandığını bildiriblər.Husilərin nəzarətində olan SABA xəbər agentliyində yer alan xəbərə görə, dünən İsrail ordusunun Sənaya yenidən hava hücumları təşkil etdiyi bildirilib. Husilərə bağlı Əl-Məsirə televiziya kanalının xəbərində "İsrailin Sənaya yönəlmiş hava hücumlarında Zahban elektrik stansiyası və yaşayış məhəllələri hədəf alınıb." - deyə qeyd edilib.

İranın dəstəklədiyi Yəməndəki husilər, İsrailin paytaxt Səna şəhərindəki elektrik stansiyası və yaşayış məhəllələrinə hava hücumları nəticəsində 8 nəfərin həlak olduğunu, 142 nəfərin isə yaralandığını bildiriblər. Husilərin nəzarətində olan SABA xəbər agentliyində yer alan xəbərə görə, İsrail ordusunun Sənaya yenidən hava hücumları təşkil etdiyi bildirilib. Husilərə bağlı Əl-Məsirə televiziya kanalının xəbərində isə deyilir: "İsrailin Sənaya yönəlmiş hava hücumlarında Zahban elektrik stansiyası və yaşayış məhəllələri hədəf alınıb."

İsrailin təcili yardım xidməti olan Qızıl Davud Yıldızından verilən açıqlamaya görə, Yemen'dən atılan partlayıcı yüklü insansız hava vasitəsinin (İHA) İsrailin ən cənubundakı Eylat şəhərini vurması nəticəsində yaralananların sayı artıb. Açıqlamada, hadisə nəticəsində 2-si ağır olmaqla 1-i orta və 17-si yüngül olmaqla, ümumilikdə 20 nəfərin şarapnel yarası aldığı bildirilib. Yaralılar, müalicə üçün Yoseftal Xəstəxanasına aparılıb.

Cənubi Sudanda humanitar fəlakət getdikcə dərinləşir. Milyonlarla uşaq və qadın aclıq səbəbilə ölümlə üz-üzədir. BMT-nin dəstəklədiyi hesabat və beynəlxalq təşkilatların məlumatlarına görə, böhranın əsas səbəbləri ölkədəki korrupsiya, beynəlxalq yardımların azalması və şiddətin artmasıdır. Bor şəhərindəki xəstəxanada cəmi 14 aylıq uşaq – Adot Dyor – ciddi arıqlamış vəziyyətdə anasının qucağında müalicə gözləyir. Onun anası kimi 1,1 milyon hamilə və süd verən qadın qidalanma çatışmazlığı yaşayır. Hesabatda qeyd olunur ki, 5 yaşınadək 2,3 milyon uşaq müalicəyə ehtiyac duyur, onlardan 700 mindən çoxu həyati risk daşıyan ağır qida çatışmazlığından əziyyət çəkir.

İsrailin Dohaya hücumu ilə bağlı BMT Təhlükəsizlik Şurasının sentyabrın 10-da baş tutmalı olan fövqəladə iclası sabah keçiriləcək. İclasın təxirə salınmasına səbəb Qətərin xarici işlər naziri Şeyx Məhəmməd bin Əbdül Rəhman Əl-Taninin iclasda iştirak edə bilməsi ilə bağlı daxil olmuş müraciətlə əlaqədardır.

Yəməndəki husilər İsrailin Səna şəhərinə endirdiyi hücumların böyük bir hissəsinin hava hücumundan müdafiə sistemləri tərəfindən dəf edildiyini, lakin mülki şəxslər arasında ölən və yaralananların olduğunu açıqlayıblar. Husilərin nəzarətində olan SABA xəbər agentliyi, Husilərin Hərbi sözçüsü Yəhya Sərinin mövzu ilə bağlı açıqlamasını yayımlayıb. Səri bildirib ki, İsrailin hücumlarına qarşı yer-hava tipli raketlərlə cavab verilib və bu müdafiədən sonra bəzi döyüş təyyarələri hədəfə çatmadan bölgəni tərk etmək məcburiyyətində qalıb.

İsrailin müdafiə naziri İsrail Kats Yəməndəki husilərə qarşı sərt bəyanatla çıxış edib. O, husilərin İsrailə qarşı raket hücumlarını intensivləşdirməsindən sonra onları Tövratda qeyd olunan “Misir bəlaları” nı yaşadacaqlarını qeyd edib. “Husilər İsrailə yenidən raket atır. Qaranlıq bəlası, ilk doğulanların bəlası — biz bütün 10 bəlanı tamamlayacağıq.”- Kats “X” sosial şəbəkəsində yazıb. Nazirin işarə etdiyi 10 bəla, Tövratın “Çıxış” kitabında təsvir olunan və İsrail oğullarının azad olunması üçün Misir fironuna göndərilən fəlakətləri əhatə edir.

İslam Əməkdaşlıq Təşkilatının (İƏT) fövqəladə xarici işlər nazirləri iclasından sonra qəbul edilən birgə bəyanatda İsrailin mövqeyi kəskin şəkildə pislənib və bütün dövlətlərə fələstinlilərə qarşı təcavüzün davam etməsinin qarşısını almaq üçün hüquqi və praktik addımların atılmasına dair çağırış edilib. Səudiyyə Ərəbistanının Ciddə şəhərində keçirilən iclasın yekununda vurğulanıb ki, İsrailin Qəzza zolağına hücumun başlanmasından iki ilə yaxın vaxt keçməsinə baxmayaraq vasitəçilərin sülh təşəbbüslərinə cavab verməkdən imtina etməsi, əməliyyatları genişləndirməkdə israrı və atəşkəs çağırışlarını qulaqardına vurması qəbuledilməzdir.

Israil bazar günü Yəmənin paytaxtı Sənaya hava zərbələri endirib. Hücumlarda 6 nəfərin öldüyü, 86 nəfərin yaralandığı bildirilir. Husilərin idarə etdiyi Əl-Məsirə televiziyasının məlumatına görə, Husi hökumətinə bağlı Yəmənin Səhiyyə Nazirliyi dünənki hücumlarla bağlı yazılı açıqlama yayıb. Açıqlamada, “Düşmən İsrail təyyarələrinin Sənaya hücumları nəticəsində ölən şəhidlərin sayı 6-ya, yaralıların sayı isə 86-ya yüksəlib.“ - deyə bildirilib. Husi hökumətinin Səhiyyə Nazirliyinin sözçüsü Anis əl-Əsbahi dünən gecə İsrailin hava hücumları nəticəsində 4 nəfərin öldüyünü, 67 nəfərin yaralandığını açıqlayıb.