Fransa parlamentində bir qrup deputat “islamçı separatizm”lə mübarizəyə dair 17 tövsiyədən ibarət yeni hesabat təqdim edib. Sənəddə ən çox müzakirə yaradan təkliflərdən biri 16 yaşınadək qızların hicab taxmasının qadağan olunması və dini təşkilatlara nəzarətin sərtləşdirilməsidir. Hesabatda Ifop-un araşdırmasına istinad edilərək bildirilir ki, hazırda Fransada 15–24 yaş arası müsəlman qızların 44 faizi hicab taxır. 2003-cü ildə bu göstərici cəmi 16 faiz idi.

İdman dünyasında hicab qadağası ilə bağlı mübahisələr yenidən gündəmə gəlib. Beynəlxalq insan haqları təşkilatları və idman fəalları Fransanın tətbiq etdiyi hicab yasağını qadınların idman sahələrindən kənarlaşdırılması kimi qiymətləndirərək, bu qərarın insan hüquqlarına və qadınların iştirak azadlığına zidd olduğunu bildiriblər.

Fransada İslam dini ibadətlərini yerinə yetirmək çətin bir məsələdir və burada yaşamayan birisi üçün bəlkə də təsəvvür olunmaz dərəcədə çətindir. Məsələn, məscidlərdə namaz qılmaq müxtəlif səbəblərdən çətindir. Hicab isə tam bir “ittiham” sayılır, qadınlara işləmək, övladlarını məktəbə müşayiət etmək, hətta idman etmək hüququ belə tanınmır. İslam məktəblərinin çoxu bağlanıb, qalan az bir qismi də qaçılmaz olaraq növbəsini gözləyir.

ABŞ-ın Arizona ştatında dörd tələbə qadın, kampusda Qəzzaya dəstək düşərgəsinin dağıdılması zamanı universitet polisinin onları hicabı məcburi çıxarmağa vadar etdiyini iddia edərək məhkəməyə müraciət edib. AzerVoice xəbər verir ki, onlar həm maddi, həm də mənəvi ziyanın ödənilməsini, konstitusiya hüquqlarının pozulduğunun rəsmi tanınmasını və bu praktikanın dayandırılmasını tələb edirlər. Məhkəməyə təqdim olunan iddiada qeyd olunur ki, polis əməkdaşları əməliyyat zamanı qadın tələbələrə hicablarını çıxarmağı əmr ediblər. İddiaçıların vəkili hadisəni “ictimai soyundurulma” ilə müqayisə edərək bunun şəxsi toxunulmazlıq və dini etiqad azadlığına zidd olduğunu vurğulayıb.