Rusiya Ukrayna xalqını hər zaman qardaş xalq hesab edib və baş verənləri böyük bir faciə kimi görür. Bunu Rusiya prezidenti Vladimir Putin ABŞ prezidenti Donald Tramp ilə görüşdən sonra keçirilən birgə mətbuat konfransında deyib.

Rusiya Prezidenti Vladimir Putin, ABŞ Prezidenti Donald Tramp ilə aparılan danışıqları faydalı və konstruktiv olaraq qiymətləndirib. Bu barədə Putin iki liderin məhdud formatda keçirdikləri görüşün yekunlarına həsr olunmuş birgə mətbuat konfransında bildirib.

Tezliklə Rusiya Prezidenti Vladimir Putin və ABŞ Prezidenti Donald Trampın birgə mətbuat konfransı başlayacaq. Bu barədə Kremlin mətbuat xidməti məlumat verib.

Alyaskada Rusiya prezidenti Vladimir Putin və ABŞ prezidenti Donald Tramp danışıqlara başlayıblar. Görüş “Elmendorf-Riçardson” hərbi bazasında yerləşən xüsusi otaqda keçirilir. Məkan ənənəyə uyğun olaraq hər iki ölkənin – Rusiya və ABŞ-ın bayraqları ilə bəzədilib.

ABŞ Prezidenti Donald Tramp, Belarus Prezidenti Aleksandr Lukaşenko ilə Rusiya Prezidenti Vladimir Putinlə keçirəcəyi qarşıdakı sammit barədə müzakirələr apardığını bildirib. Tramp bu barədə “Truth social" platformasında yazıb.

Müharibəni bitirməyin vaxtı çatıb. Rusiya bu istiqamətdə zəruri addımlar atmalıdır. Bunu Ukrayna Prezidenti Volodimir Zelenski, ABŞ Prezidenti Donald Tramp ilə Rusiya Prezidenti Vladimir Putin arasında bu gün Alyaskada keçiriləcək görüşə münasibət bildirərkən deyib.

ABŞ Prezidenti Donald Tramp və Rusiya Prezidenti Vladimir Putinin bu gün Alyaskada keçirəcəyi görüş ərəfəsində, Ukrayna və Qərb ölkələri güclü birlik mesajı verib. Görüşdə Rusiyanın Ukraynaya qarşı müharibəsi və Rusiya–ABŞ münasibətlərinin müzakirə olunacağı gözlənilir. Tramp və Putin müharibə başlayandan bəri ilk dəfə bir araya gələcək. Görüş dünya ictimaiyyəti tərəfindən böyük maraqla izlənilir. Ukrayna isə açıq şəkildə bəyan edir ki, bu masada Kiyev olmadan qərarların qəbul edilməsi yolverilməzdir.

Bu gün Alyaskada ABŞ prezidenti Donald Tramp və Rusiya prezidenti Vladimir Putin arasında keçiriləcək sammit, Ukrayna müharibəsinə son qoymaq üçün 7 aydır davam edən danışıqların ən kritik mərhələsi hesab olunur. Danışıqlardan atəşkəs qərarı çıxarsa, növbəti mərhələdə Ukrayna prezidenti Volodimir Zelenskinin də qatılacağı üçtərəfli sammitin İstanbulda keçirilməsi nəzərdə tutulur.

ABŞ prezidenti Donald Tramp, Rusiya prezidenti Vladimir Putin ilə Alyaskada keçirilməsi planlaşdırılan üçtərəfli sammitə Ukrayna prezidenti Volodimir Zelenski və bəzi Avropa liderlərinin də dəvət oluna biləcəyini bildirib. Tramp əsas məqsədinin “təcili sülh razılaşmasına” nail olmaq olduğunu vurğulayaraq, qısa müddətdə sülhün təmin edilməsinə önəm verdiyini qeyd edib.

ABŞ Prezidenti Donald Tramp, Rusiya Prezidenti Vladimir Putinlə Alyaskada keçirəcəyi görüşün uğurla nəticələnmə ehtimalını 75 faiz olaraq qiymətləndirib. Tramp bu fikri “Fox News Radio”ya verdiyi müsahibədə səsləndirib.

Türkiyə Prezidenti Rəcəb Tayyib Ərdoğan NATO-nun Baş katibi Mark Rütte ilə telefon danışığı aparıb. Söhbət əsnasında Ukrayna–Rusiya müharibəsindəki son inkişaflar, həmçinin regional və qlobal məsələlər müzakirə olunub. Bu barədə Türkiyə Prezident Administrasiyasının Kommunikasiya İdarəsi məlumat yayıb.

Kreml ABŞ prezidenti Donald Tramp və Rusiya prezidenti Vladimir Putin arasında Alyaskada keçirilməsi planlaşdırılan görüşün vaxtını elan edib. Rəsmi açıqlamaya görə, görüş Moskva vaxtı ilə saat 22:30-da başlayacaq. İki liderin görüşü tərcüməçilərin iştirakı ilə təkbətək formatda start götürəcək. Qeyd edək ki, Tramp-Putin görüşü beynəlxalq ictimaiyyətdə böyük maraq doğurur və onun nəticələri xüsusilə Ukrayna münaqişəsi fonunda diqqətlə izlənir.