Vətən müharibəsinə həsr olunan “44” bədii filminin çəkilişləri başa çatıb və komanda post-prodakşn işlərinə başlayıb. Layihənin ərsəyə gəlməsi üçün peşəkar komanda yaradılıb. Film üzərində işlər ümumilikdə 4 il davam edib, çəkilişlər isə 2 il ərzində Bakı, Ağdam, Cəbrayıl, Füzuli, Gəncə, Hadrut, Xankəndi, Xocavənd, Lerik, Şuşa və digər bölgələrdə aparılıb.

Tədbirdə dövlət və hökumət nümayəndələri, din xadimləri, Vətən müharibəsi şəhidləri mayor Rüfət Əsgərovun atası Mürvət Əsgərov, baş leytenant Elvin Əlimovun anası İradə Əlimova, baş leytenant Muxtar Qasımlının atası Əli Qasımov, kiçik çavuş Sərdar İsmayılovun atası Sərvər İsmayılov, baş leytenant Orxan Hüseynovun atası Bəhmən Hüseynov, Yunis Əliyevin atası Zaur Əliyev, polkovnik leytenant Rəşad Quliyevin anası Mətanət Quliyeva, Ceyhun Mustafazadənin atası Şükür Adilov, əsgər Nicat Qarazadənin atası Malik Qarayev, gizir Vidadi Zalovun atası Nizami Zalov, baş leytenant Hüseyn Nəcəfovun atası Abbasqulu Nəcəfov, əsgər Rahid Sadıxovun atası Vahid Sadıxov, əsgər Dmitriy Solntsyevin bacısı Yuliya Solntsyeva, Bəhram və İman Məmmədzadə qardaşlarının atası Elman Məmmədzadə, Denis Proninin həyat yoldaşı Aynurə Pronina, mayor Şahlar Cəfərovun atası Fəzail Cəfərov, eləcə də Vətən müharibəsi qaziləri və veteranları iştirak ediblər.

Bakıda Vətən müharibəsində qazanılan qələbənin 5-ci ildönümünə həsr olunmuş hərbi parada hazırlıq keçirilir. Parada hazırlıqla bağlı Azərbaycan Respublikasının Silahlı Qüvvələrinin bölmələri ilə məşqlər keçirilir, hərbi texnikalar nümayiş etdirilir. Parada hazırlıqla bağlı Azərbaycan Respublikasının Silahlı Qüvvələrinin bölmələri ilə məşqlər keçirilir, hərbi texnikalar nümayiş etdirilib. Qeyd edək ki, 8 noyabr tarixi Azərbaycanda Zəfər Günü kimi qeyd edilir.

Şuşa şəhərində Zəfər Gününün 5 illiyi münasibətilə hərbi yürüş keçirilib. Azərbaycan ordusunun hərbçilərinin Bayraq meydanından başlayan yürüşü hərbi orkestrin müşayiəti ilə şəhərin mərkəzi küçələrində müəyyən olunan marşrut üzrə davam edib. Şəhər sakinləri hərbi yürüşü böyük qürurla izləyiblər.

Tədbirdə üçrəngli bayraqlar dalğalanıb, “Qarabağ Azərbaycandır!” şüarları səsləndirilib. Zəfər Günü münasibətilə keçirilən yürüş bir daha Azərbaycan xalqının birliyini, ordumuzun gücünü və torpaqlarımızın azadlığı uğrunda qazanılan tarixi qələbənin əzəmətini nümayiş etdirib.

8 Noyabr - Zəfər Günü və 9 Noyabr - Dövlət Bayrağı Günü ilə əlaqədar respublika ərazisində fəaliyyət göstərən bütün avtovağzal və avtostansiyalar əhalinin nəqliyyat xidmətləri ilə keyfiyyətli və davamlı şəkildə təmin edilməsi üçün 8-11 noyabr tarixlərində gücləndirilmiş iş rejimində fəaliyyət göstərəcək.

Azərbaycanın Çindəki səfirliyində 8 Noyabr - Zəfər Günü və 9 Noyabr - Dövlət Bayrağı Günü münasibətilə tədbir keçirilib.

Quba şəhərində “Birlik, Zəfər və Barışın Gücü: Qubadan Mediasiya Çağırışı” adlı regional tədbir keçirilib. Tədbir Quba Rayon İcra Hakimiyyəti, YAP Quba rayon Təşkilatı, Quba 1 saylı Mediasiya Təşkilatının təşkilatçılığı və Mediasiya Şurasının dəstəyi ilə baş tutub.

Azərbaycan Respublikasının Milli Məclisi 8 noyabr – Zəfər Gününün beşinci ildönümü ilə əlaqədar Bəyanat qəbul edib. Bu məsələ Milli Məclisin bugünkü plenar iclasında müzakirə edilib.Bəyanatın mətnini parlamentin İnsan hüquqları komitəsinin üzvü Vüqar Rəhimzadə oxuyub.

Milli Məclisdə Prezident İlham Əliyev və Birinci vitse-prezident Mehriban Əliyevaya 8 Noyabr – Zəfər Günü münasibətilə təbrik məktubu ünvanlamaq təklif edilib.

Zəfər günü ilə bağlı paytaxtda təşkil ediləcək paradla əlaqədar Azadlıq Meydanındakı yeraltı avtodayanacağın fəaliyyəti müvəqqəti dayandırılacaq

Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin müvafiq tapşırığına əsasən, noyabrın 8-də Bakı şəhərində Zəfər Gününün beşinci ildönümü münasibətilə hərbi parad keçiriləcək. Bu barədə Müdafiə Nazirliyi məlumat yayıb. Bildirilir ki, arada hazırlıqla bağlı Azərbaycan Respublikasının Silahlı Qüvvələrinin, o cümlədən Azərbaycan Ordusunun bölmələri ilə məşqlər keçirilir.