Yəməndə hökumətdə aparılan dəyişikliklər çərçivəsində ölkə tarixində ilk dəfə qadın xarici işlər naziri vəzifəsinə təyinat həyata keçirilib. Yəmənin rəsmi SABA xəbər agentliyinin yaydığı məlumata görə, Prezident fərmanı ilə Baş nazir Şai Möhsin əz-Zindaninin rəhbərlik etdiyi hökumətin tərkibində dəyişiklik edilib. Fərmana əsasən, Əfrah Əbdüləziz əz-Zubə Yəmənin tarixində ilk qadın xarici işlər naziri təyin olunub.