BMT-nin baş katibi Antonio Quterreş İsrail hökumətini işğal altındakı ərazilərdə, xüsusilə E1 bölgəsində həyata keçirilməsi nəzərdə tutulan tikinti layihəsini dərhal dayandırmağa çağırıb. Bəyanatı onun sözçüsü Stefan Dujarrik yazılı şəkildə yayıb. Quterreş bildirib ki, Şərqi Qüds də daxil olmaqla, İordan çayının qərb sahilindəki bütün İsrail yaşayış məntəqələri beynəlxalq hüququn pozulması ilə yaradılıb və saxlanılır. Onun sözlərinə görə, bu cür qeyri-qanuni məskunlaşmalar işğalı möhkəmləndirir, gərginliyi artırır və iki dövlətli həll çərçivəsində Fələstin dövlətinin yaşaya bilmək imkanlarını zəiflədir.