İsrail ordusu Livanın cənubundakı Mərcəyun bölgəsində yerləşən Təyyibə yaşayış məntəqəsinə hava zərbələri endirib. Bu barədə Livanın Milli Xəbər Agentliyi məlumat yayıb. Bildirilir ki, yaşayış məntəqəsi güclü bombardmana məruz qalıb. Hadisə nəticəsində ölənlər və yaralananlar barədə hələlik rəsmi məlumat verilməyib. Dağıntıların miqyası da açıqlanmayıb. Hücum bölgədə təhlükəsizlik vəziyyəti ilə bağlı narahatlıqları daha da artırıb. Hadisənin təfərrüatlarının dəqiqləşdirilməsi istiqamətində iş aparılır.