İran bildirib ki, nüvə məsələsi yalnız bölgədə müharibə dayandırıldıqdan və təhlükəsizlik təminatları verildikdən sonra müzakirə oluna bilər. Tehran ilk mərhələdə bütün cəbhələrdə atəşkəsin və gərginliyin azaldılmasının vacibliyini vurğulayıb.

Xatırlayırıq ki, Tramp keçən il Riyadda Prezident Corc Buşu İraqa hücum etdiyinə, Səddam Hüseyn rejimini devirdiyinə və sonra İraq dövlətini yenidən qurmağa çalışdığına görə tənqid etmişdi. Paradoks ondadır ki, Tramp sonda Buşun 2003-cü ildə İraqa hücum edərkən yol verdiyi eyni səhvlərə düşdü.

İran hökumətinin sözçüsü Fatimə Mohacerani ölkəsinin davam edən müharibədə "əhəmiyyətli itkilər" verdiyini etiraf edərək, Tehranın sülh danışıqları üçün əsas tələblərini bəyan edib. O bildirib ki, İran müharibəni başlayan tərəf olmasa da, həm insan itkiləri, həm də mülki infrastrukturun dağılması baxımından ağır zərər görüb.