Çinin avtomobil istehsalçısı BYD son illərdə sürətli yüksəliş nümayiş etdirərək elektrik avtomobilləri bazarında qlobal lider mövqeyinə yüksəlib. Şirkətin uğuru uzunmüddətli sənaye strategiyası, texnoloji üstünlük və istehsal modelində tətbiq etdiyi fərqli yanaşma ilə izah olunur. 1995-ci ildə batareya istehsalçısı kimi fəaliyyətə başlayan BYD əvvəlcə mobil telefonlar üçün enerji sistemləri istehsal edirdi. Şirkətin rəhbəri Wang Chuanfu elektrik nəqliyyatının gələcəyini öncədən proqnozlaşdıraraq avtomobil sektoruna daxil oldu.