İran İslam Respublikasının xarici işlər naziri Qazaxıstanın Respublika Günü münasibətilə təbriklərini çatdırıb. Abbas Əraqçi Qazaxıstanın xarici işlər naziri Yermek Koşerbayevə göndərdiyi məktubda dost və qardaş Qazaxıstan hökuməti və xalqını bu milli bayram münasibətilə səmimi qəlbdən təbrik edib. O, iki ölkə arasında dostluq münasibətlərinin və ikitərəfli əməkdaşlığın bütün sahələrdə daha da genişlənəcəyinə ümidvar olduğunu bildirib.

İran Xarici İşlər Nazirliyinin sözçüsü İsrail rejiminin İordan çayının Qərb sahilinin ilhaqına dair Knessetdə qəbul etdiyi qətnaməni Birləşmiş Millətlər Təşkilatının Nizamnaməsində əks olunan prinsiplərin və məqsədlərin açıq şəkildə pozulması kimi qiymətləndirib və onu sərt şəkildə qınayıb. Bəqai bu qətnaməni sionist rejimin cinayətkar və müstəmləkəçi genişlənmə siyasəti yolunda atdığı növbəti addım adlandırıb. O vurğulayıb ki, bu siyasət səkkiz onillikdir fələstin xalqının öz müqəddəratını təyin etmə kimi fundamental hüququnun pozulmasına səbəb olur və beynəlxalq hüququn imperativ normalarını, xüsusilə də xalqların öz müqəddəratını təyin etmə hüququnu tapdalayır.

İranın xarici işlər naziri Abbas Əraqçi bildirib ki, sanksiyalarla mübarizədə əsas həll yolu iqtisadi diplomatiyanın gücləndirilməsidir. Nazir bu məqsədlə Xarici İşlər Nazirliyində xüsusi iqtisadi diplomatiya üzrə müavinliyin yaradıldığını və bu istiqamətdə vilayət səviyyəsində diplomatiya konfranslarının keçirildiyini açıqlayıb. Əraqçi çərşənbə günü Məşhəd şəhərində jurnalistlərə verdiyi açıqlamada deyib ki, İran İslam Respublikasının xarici siyasətində əsas prioritet qonşu ölkələrlə münasibətlərdir. Onun sözlərinə görə, bu məsələ siyasi, təhlükəsizlik və strateji baxımdan olduğu kimi, iqtisadi cəhətdən də mühüm əhəmiyyət daşıyır.

İranın xarici işlər naziri Abbas Əraqçi bəyan edib ki, Vaşinqton öz “tamahkar və təkəbbürlü siyasətindən” imtina etmədikcə Tehran ABŞ-la danışıqlara qayıtmayacaq. Rəsmi İSNA agentliyinin xəbərinə görə, Əraqçi jurnalistlərə açıqlamasında bildirib ki, “ABŞ-lı tərəflə əvvəlki dövrlərdə aparılan danışıqlar, o cümlədən Nyu-Yorkda baş tutan görüşlər, Vaşinqtonun həddindən artıq tələbləri və qeyri-real iddiaları səbəbindən dayandırılıb”.

İran Xarici İşlər Nazirliyi ABŞ-ın Venesuela sahilləri yaxınlığında artan hərbi fəaliyyətlərini beynəlxalq hüququn və BMT Nizamnaməsinin açıq şəkildə pozulması kimi qiymətləndirib. İran Xarici İşlər Nazirliyinin sözçüsü İsmayıl Bəqai bildirib ki, ABŞ-ın bölgədəki hərbi addımları, o cümlədən balıqçı gəmilərinə təkrar hücumlar və Venesuelaya qarşı güc tətbiqi ilə hədələmələr, beynəlxalq münasibətlərdə zor tətbiq etməmək prinsipinə ziddir.

İran Xarici İşlər Nazirliyi Avropa İttifaqı (Aİ) ölkələrinin səfirlərini Tehrana çağıraraq blokun Fars körfəzi regionuna dair “qarışan mövqeyinə” və ölkənin müdafiə proqramı ilə bağlı səsləndirilən iddialara etiraz edib. İranın siyasi işlər üzrə xarici işlər nazir müavini Məcid Taxt-e Rəvançi, səfirlərlə görüş zamanı Aİ və Fars Körfəzi Əməkdaşlıq Şurasının (GCC) son bəyanatında yer alan ifadələrin ölkənin ərazi bütövlüyünə və suverenliyinə zidd olduğunu bildirib.

İran Xarici İşlər Nazirliyinin sözçüsü İsmayıl Bəqai bildirib ki, Avropa ölkələrinin nüvə məsələsindəki “məsuliyyətsiz və qeyri-konstruktiv” mövqeyi danışıqların istiqamətini dəyişib və Tehran hazırkı mərhələdə ABŞ-la danışıqlar aparmağı planlaşdırmır.

Uzun müddətdən sonra bu mövzularda Türkiyə ilə fikir mübadiləsi aparmaq çox faydalı oldu. Nazir Ankaraya səfərinin nəticələrini yüksək qiymətləndirərək, əsas müzakirələrin sərhəd təhlükəsizliyi, bölgədə İsrail rejiminin yaratdığı təhdidlər və Suriya məsələləri üzərində cəmləşdiyini açıqlayıb.

İranın xarici işlər naziri Abbas Əraqçi Nyu-York səfərindən sonra verdiyi açıqlamada bildirib ki, ABŞ-la həm birbaşa, həm də dolayı mesaj mübadiləsi aparılsa da, proses danışıqların faydasız olduğunu ortaya qoyub. Əraqçi Nyu-Yorkda keçirdiyi intensiv həftəni dəyərləndirərək bildirib ki, səfər zamanı 31-dən çox ikitərəfli görüş keçirib, yüksək səviyyəli çoxtərəfli toplantılarda iştirak edib və İranın mövqelərini müdafiə edib.

İran Xarici İşlər Nazirliyinin sözçüsü İsmayıl Bəqai ABŞ dəstəyi ilə Avropa ölkələrinin İrana qarşı BMT Təhlükəsizlik Şurası (TŞ) qətnamələrini bərpa etmək təşəbbüsünü yenidən sərt tənqid edib. Bəqai bildirib ki, üç Avropa ölkəsinin JCPOA (2015-ci il nüvə sazişi) üzrə mübahisə mexanizmindən sui-istifadəsi heç bir hüquqi nəticə doğurmur və 2231 saylı qətnamə mətninə əsasən müəyyən olunmuş tarixdə – 18 oktyabr 2025-ci ildə – qüvvədən düşməlidir.

İranın xarici işlər naziri Abbas Əraqçi, BMT Baş Assambleyasının 80-ci sessiyası çərçivəsində Çinin, Rusiyanın və Pakistanın XİN rəhbərləri ilə Əfqanıstan mövzusunda keçirilən dördtərəfli görüşdə ABŞ və NATO-nu regiondakı problemlərin əsas məsuliyyət daşıyıcıları kimi göstərib.

İran Xarici İşlər Nazirliyinin sözçüsü İsmayıl Bəqayi, BMT Baş Assambleyası üçün Nyu-Yorka gələn iranlı diplomatlara qarşı ABŞ-ın tətbiq etdiyi məhdudiyyətlərə etiraz edib. ,İran Xarici İşlər Nazirliyinin sözçüsü İsmayıl Bəqayi sosial media hesabında paylaşım edərək bildirib ki, ABŞ hökumətinin Nyu-Yorkda olan iranlı diplomatlara və onların himayəsində olan şəxslərə qarşı tətbiq etdiyi artan məhdudiyyətlərin əsas məqsədi, İranın Birləşmiş Millətlər Təşkilatındakı diplomatik fəaliyyətini pozmaqdır.