Səsləndirilən iddialarla bağlı Azərbaycan Avtomobil Yolları Dövlət Agentliyinin mətbuat katibi Anar Nəcəfli açıqlamasında bildirib ki, “AFEN Plaza”da baş verən partlayışla bağlı ərazidə AAYDA və digər aidiyyəti qurumlar tərəfindən araşdırma aparılır. O bildirib ki, orda “Həsən Əliyev – Koroğlu” layihəsinin icrası gedir.

24.11.2025-ci il tarixində saat 09:00 radələrində Nərimanov rayonu, Ə.Rəcəbli küçəsində obyektdə partlayış baş verməsi səbəbilə xəsarət alan 5 nəfər Kliniki Tibbi Mərkəzə hospitalizasiya olunub. Onlardan 1 nəfərə (kişi) termiki yanıq, 4 nəfərə isə (1-i kişi, 3-ü qadın) bədənin müxtəlif nahiyələrinin müştərək travmaları diaqnozu təyin olunub.