Bizim üçün İtaliya bazarı həm neft, həm qaz üçün birinci dərəcəli əhəmiyyət daşıyır. Keçən il Azərbaycan 25 milyard kubmetr təbii qaz ixrac edib, onun 9,5 milyardı İtaliya bazarına ixrac edilmişdir.

BEA-nın son hesabatına əsasən, Norveçdən Avropanın qalan hissəsinə boru kəməri ilə nəql olunan qaz tədarüklərinin 2024-cü ilki göstəricilərə yaxın olacağı gözlənilir, digər yandan Şimali Afrika və Azərbaycandan idxalın mülayim artım göstərəcəyi proqnozlaşdırılır. Bu əlavə tədarüklər 2026-cı ilin iyul ayında Türkiyə ilə müqavilənin baş çatmasından sonra Rusiya və İrandan boru kəməri qazı idxalının azalmasını qismən kompensasiya edəcək.

Azərbaycan 2025-ci ilin sentyabr ayında Türkiyənin üç ən böyük təbii qaz tədarükçüsü sırasında mövqeyini qoruyub saxlayıb. Hesabat dövründə Türkiyə Azərbaycandan 958,25 milyon kubmetr təbii qaz idxal edib ki, bu da 2024-cü ilin sentyabr ayı ilə müqayisədə 7,44 faiz azdır. Bununla belə, Azərbaycan Türkiyəyə boru kəməri ilə qaz tədarük edən ölkələr arasında ikinci yeri tutub və aylıq tədarük həcminə görə İran İslam Respublikasını qabaqlayaraq yalnız Rusiya Federasiyasından geri qalıb.