Quba İş Adamlarına Dəstək (QİAD) Platformasının təşkilatçılığı ilə paytaxt Bakıda ziyalılar və sahibkarların iştirakı ilə iftar mərasimi təşkil olunub. Tədbirdə QİAD İdarə Heyətinin sədri Cabbar Heybətov, platformanın üzvləri və 100-ə yaxın dəvətli qonaq iştirak edərək regionun iqtisadi gələcəyini müzakirə ediblər.

Quba İş Adamlarına Dəstək-QİAD platformasının 1 illik fəaliyyətinin təqdimat edilməsi məqsədilə "QİAD üzvləri ilə görüş" proqramı təşkil edilmişdir. Tədbirdə QİAD İdarə Heyətinin sədri Cabbar Heybətov və üzvləri, Quba Rayon İcra Hakimiyyətinin Şöbə müdirinin müavini Loğman Əliyev, Quba-Xaçmaz Regional Məşğulluq filialının müdir müavini Rasim Məmmədov, Quba Rayon Əmək Müfəttişliyinin rəisi Təngiz Nəzərov, Quba Regional Turizm İdarəsinin nümayəndəsi Rəfail İskəndərov, Quba Regional Təlim Mərkəzinin direktoru İslam Bəyəhmədov, Quba Peşə liseyinin direktoru Hüseynağa Baxışov və Quba rayonun bank filiallarının rəhbərləri və media nümayəndələri iştirak etmişdir.