Giresun Səhiyyə İdarəsi tərəfindən cəmiyyət sağlamlığı bölmələri üçün tədris maketləri, planşet kompüterlər, tibbi və təsərrüfat avadanlıqları, eləcə də təmizlik vasitələrinin alınması üzrə açıq tender elan edilib.

Biləcik Yol və Nəqliyyat Xidmətləri İdarəsi tərəfindən 1 milyon litr dizel yanacağının alınması üzrə tender elan edilib. Tenderdə yerli və əcnəbi şirkətlər iştirak edə bilər. Qeyd olunur ki, idarənin saxlama imkanları məhdud olduğundan yanacağın tam həcmi bir dəfəyə deyil, hissə-hissə qəbul ediləcək. Elektron platforma vasitəsilə göndəriləcək bildirişdə göstərilən həcmdə dizel yanacağı bildiriş tarixindən etibarən 5 təqvim günü ərzində təhvil verilməlidir.

Türkiyə Karayolları 5-ci Regional İdarəsi TÜPRAŞ-a bağlı neft emalı zavodlarından Mersin bölgəsində yerləşən sabit bitum anbarlarına bitum daşınması xidməti üzrə tender keçirəcək. Məlumata görə, layihə çərçivəsində ümumilikdə 18 min 300 ton bitumun daşınması nəzərdə tutulur.

İstanbul Səhiyyə İdarəsi tərəfindən Hamidiye Təhsil və Araşdırma Xəstəxanasında yeni əməliyyatxana binasının tikintisi üzrə açıq tender elan olunub. Məlumata görə, layihə çərçivəsində 5 otaqdan ibarət əməliyyatxana kompleksinin inşası nəzərdə tutulur. Tenderdə yerli və əcnəbi şirkətlər iştirak edə bilər. Bildirilib ki, tikinti işləri Sarıyer rayonundakı Çayırbaşı yerləşkəsində həyata keçiriləcək və layihənin icra müddəti yer təhvil verildikdən sonra 180 təqvim günü təşkil edəcək

İzmir Su və Kanalizasiya İdarəsi tərəfindən dizel generator dəstlərinin alınması və quraşdırılması üzrə tender elan olunub. Bildirilib ki, layihə çərçivəsində ümumilikdə 16 ədə dizel generator dəstinin təchizatı və quraşdırılması nəzərdə tutulur. Tenderdə yerli və əcnəbi şirkətlər iştirak edə bilər. Layihənin icra müddətinin müqavilə imzalandıqdan sonra 150 təqvim günü olduğu bildirilib.

Türkiyənin Dərincə rayonunda Gənclər İdman Təhsil Mərkəzinin tikintisi ilə bağlı tender elan edilib. Kocaeli Bələdiyyəsi tərəfindən verilən məlumata görə, layihə 43 min kvadratmetrlik ərazidə 2 min 200 kvadratmetrlik gənclər mərkəzinin inşasını nəzərdə tutur.

Adıyamanda, nəqliyyat vasitələrinin ehtiyaclarını qarşılamaq məqsədilə böyük həcmli yanacaq satınalması üzrə açıq tender elan edilib. Satınalma çərçivəsində 30 min 95 oktan benzin və 1 milyon 500min litr dizel alınacaq. Tenderdə yerli və əcnəbi şirkətlər iştirak edə bilər. Bildirilib ki, alınacaq məhsullar Kartal Bələdiyyəsinin İnformasiya Texnologiyaları şöbəsinə təhvil veriləcək və müqavilə imzalandıqdan sonra 100 təqvim günü ərzində çatdırılmalıdır.

Kartal Bələdiyyəsi tərəfindən kompüter ehtiyat hissələri, printer və fotokopi aparatları üçün ehtiyat hissələri, həmçinin toner, kartric və digər sərf materiallarının alınması üzrə açıq tender elan edilib. Məlumata görə, satınalma 3 hissədən ibarət olmaqla ümumilikdə 79 növ məhsulu əhatə edir.

Türkiyə Səhiyyə Nazirliyinin Kütahya Səhiyyə İdarəsi tərəfindən 7 növ texniki xidmət və təmir işlərini əhatə edən satınalma üzrə açıq tender elan edilib. Tenderdə yerli və əcnəbi şirkətlər iştirak edə bilər. Bildirilib ki, layihə çərçivəsində Kütahya Səhiyyə İdarəsi və ona bağlı tibb müəssisələrində 12 ay müddətində texniki xidmət və təmir işlərinin görülməsi nəzərdə tutulur.

Karabük Səhiyyə İdarəsi tərəfindən Karabük Təhsil və Araşdırma Xəstəxanasında əməliyyatxana və təcili rentgen bölmələrinin döşəmə təmir işləri üzrə açıq tender elan edilib. Tenderdə yerli və əcnəbi şirkətlər iştirak edə bilər. Bildirilib ki, layihə çərçivəsində təmir işlərinin yer təhvilindən sonra 90 təqvim günü ərzində tamamlanması nəzərdə tutulur.

Ordu Böyükşəhər Bələdiyyəsi 2026-cı il üçün ümumilikdə 12 min ton tökmə sement və 400 ton kisə sementin alınması məqsədilə açıq tender elan edib. Tenderdə yerli və əcnəbi şirkətlər iştirak edə bilər. Bildirilib ki, alınacaq məhsullar Ordu vilayətinin Altınordu, Fatsa, Ünye, Kumru, Gölköy, Ulubey və Çaybaşı rayonlarında mərhələli şəkildə təhvil veriləcək. Müqavilə müddəti 210 təqvim günü nəzərdə tutulur.

Ordu Səhiyyə İdarəsi tərəfindən 24 ay müddətinə nəticə əsaslı laboratoriya xidmətlərinin alınması üçün açıq tender elan olunub. Tenderdə yerli və əcnəbi şirkətlər iştirak edə bilər. İşlərin müqavilə imzalandıqdan sonra 90 gün ərzində başlanması və ümumilikdə 24 ay müddətində icra olunması planlaşdırılır.