Avropa İttifaqı ABŞ qüvvələrinin Venesuela Prezidenti Nikolas Maduronun tutulması və ölkədən çıxarılması ilə nəticələnən genişmiqyaslı hərbi əməliyyatdan sonra sakitlik və beynəlxalq hüquqa hörmət olunmasına çağırıb. Aİ-nin xarici siyasət üzrə ali nümayəndəsi Kaja Kallas bildirib ki, blok uzun müddətdir Maduro hökumətinin legitimliyini tanımır və ölkədə sülh yolu ilə hakimiyyət dəyişməsini dəstəkləyir.

Belarus prezidenti Aleksandr Lukaşenko ABŞ-ın Venesuelaya qarşı həyata keçirdiyi hərbi əməliyyatları qəti şəkildə pisləyib. Eysmont bildirib ki, Lukaşenko ABŞ-ın hərbi təcavüz aktını qəbuledilməz hesab edir və bunun region üçün ciddi nəticələr doğura biləcəyini vurğulayıb. O, daha əvvəl ABŞ nümayəndələrinə açıqlayıb ki, ABŞ və Venesuela arasında hipotetik konflikt “ikinci Vyetnam” kimi fəsadlarla nəticələnə bilər.

ABŞ Federal Aviasiya İdarəsi (FAA) Venesuela paytaxtı Karakasda baş verən partlayışlar və "davam edən hərbi fəaliyyətlər" səbəbindən Venesuela hava sahasında ABŞ ticarət uçuşlarını müvəqqəti olaraq dayandırıb. FAA açıqlamasında bu qərarın səbəbi kimi ölkədə davam edən hərbi əməliyyatlar göstərilib. Venesuela hökuməti tərəfindən yayımlanan yazılı açıqlamada ABŞ-ın Karakas, Miranda, Aragua və La Guaira əyalətlərindəki sivil və hərbi obyektlərə qarşı həyata keçirdiyi iddia olunan hücumlar "qətiyyətlə rədd edilir və pislənir" deyə bildirilib.

Venesuela Prezidenti Nikolas Maduro ölkədə fövqəladə vəziyyət elan edən qərar imzalayıb. Bu qərarla birlikdə hökumət xalqı, ordu və polisi tammiqyaslı səfərbərliyə çağırıb. Venesuela Xarici İşlər Nazirliyinin məlumatına görə, prezident Maduro bütün milli müdafiə planlarının işə salınmasını tapşırıb. Nazirlik son hücumların arxasında ABŞ-ın dayandığını iddia edərək, paytaxt Karakas da daxil olmaqla yaşayış məntəqələri, sivil və hərbi obyektlərin hədəfə alındığını bildirib.

Venesuela Prezidenti Nikolas Maduro ABŞ administrasiyasının təzyiqləri və hərbi əməliyyatları davam etdirdiyi bir vaxtda Karakasın narkotik qaçaqmalçılığı ilə mübarizə məsələsində Vaşinqtonla konstruktiv dialoqa hazır olduğunu bəyan edib. Maduro, ABŞ ilə bu sahədə razılaşma üzrə danışıqlara açıq olduqlarını bildirib, lakin ötən həftə Mərkəzi Kəşfiyyat İdarəsinin (CIA) Venesueladakı bir limana təşkil etdiyi iddia edilən pilotsuz uçuş aparatı hücumu ilə bağlı şərh verməkdən imtina edib.

ABŞ Prezidenti Donald Tramp Venesuelaya qarşı narkotiklərlə mübarizə çərçivəsində həyata keçirilən əməliyyatların yaxın vaxtlarda qurudan müdaxilələrlə də genişlənəcəyini bəyan edib. Ağ Evdə keçirdiyi mətbuat konfransından sonra jurnalistlərin suallarını cavablandıran Tramp administrasiyasının Venesuela üzərində təzyiqi artırdığını vurğulayıb.

Venesuela Prezidenti Nikolas Maduro paytaxt Karakasda keçirilən Bolivarcı İcma Komandanlarının andiçmə mərasimində çıxışı zamanı rəqs edərək ABŞ-a “sülh” çağırışı edib. Tədbir hakim Birləşmiş Sosialist Partiyası tərəfindən təşkil olunub. Mərasimdə öz sözlərinin remiks edilmiş versiyasının müşayiəti ilə rəqs edən Maduro, “Müharibə? Qətiyyən yox. Müharibəyə yox, xahiş edirəm sülh olsun”, – deyərək Venezuela hökumətinin gərginlik deyil, dialoq istədiyini bildirib.

Cənubi Koreya ABŞ ilə yaşadığı siyasi anlaşmazlıqlar səbəbindən Venesuelanın sərhəd bölgələri olan Zulia, Tachira, Apure və Sucre əyalətlərinə səyahət qadağası tətbiq edib. Cənubi Koreya Xarici İşlər Nazirliyi Venesuela üçün ən yüksək səviyyəli, 4-cü səviyyə səyahət xəbərdarlığını elan edib. Ölkənin digər bölgələri üçün isə 3-cü səviyyəli səyahət xəbərdarlığı verilib və vətəndaşlara həmin bölgələri tərk etmələri tövsiyə olunub. Açıqlamada qeyd olunub ki, qadağa tətbiq olunan ərazilərə xüsusi icazə olmadan gedən və ya qalan şəxslərə cinayət məsuliyyəti tətbiq oluna bilər.

Venesuela vitse-prezidenti Delsi Rodriges ABŞ-ın Karib dənizindəki hərbi hərəkətliliyini “ölkəni 51-ci ştat etməyə yönəlmiş təzyiq” kimi qiymətləndirib. O, Karakasda çıxış edərək Venesuelanın müstəqil qalmaqda qətiyyətli olduğunu bildirib. Daxili İşlər Naziri Diosdado Kabelyo isə mümkün hərbi müdaxilə ehtimalına qarşı hazırlıqların davam etdiyini açıqlayıb. ABŞ-ın narkotiklə mübarizə adı altında bölgəyə döyüş gəmiləri və USS Gerald R. Ford təyyarədaşıyanını göndərməsi həm Venesuelada, həm də beynəlxalq ictimaiyyətdə narazılıq doğurub.

ABŞ Prezidenti Donald Tramp, Venesuela ilə bağlı yeni açıqlamalarında Prezident Nikolas Maduro ilə müəyyən səviyyədə təmasların ola biləcəyini bildirib. Floridadakı istirahətindən Vaşinqtona dönərkən jurnalistlərin suallarını cavablandıran Tramp, “Maduro ilə bəzi görüşmələr aparır ola bilərik və bunun necə nəticələnəcəyini görəcəyik. Onlar danışmaq istəyirlər,” deyə qeyd edib. Venesuela ilə bağlı yeni irəliləyiş olub-olmaması barədə suala isə Tramp “Xeyr, yoxdur,” cavabını verib.

ABŞ Prezidenti Donald Tramp “Truth Social” platformasında paylaşdığı açıqlamada hücumu təsdiqləyib. O bildirib ki, əməliyyatın həyata keçirilməsi barədə əmri müdafiə naziri Pit Hegset verib. Trampın sözlərinə görə, kəşfiyyat məlumatları qayığın “narkotik qaçaqmalçılığı və beynəlxalq narko-terror şəbəkələri ilə əlaqəsi olduğunu” göstərib. Lakin bu iddianı təsdiqləyən heç bir sübut təqdim olunmayıb.

2025-ci ilin payızına doğru Latın Amerikası qlobal şahmat taxtasının mərkəzinə çevrildi və əsas mübarizə meydanı Venesuela oldu. Ağ Evə revanş və “ABŞ-ın itirilmiş gücünü bərpa etmək” şüarı ilə qayıdan Donald Tramp qərb yarımkürəsində sərt iradəsini nümayiş etdirməyə üstünlük verir. Nikolas Maduronun rəhbərlik etdiyi hakimiyyəti “narkoterrorçu rejim” kimi damğalayan Vaşinqton Karib hövzəsinə hərbi gəmilər və dəniz piyadaları göndərib, Venesuela liderinin “başına” isə 50 milyon dollarlıq mükafat qoyub. Bu artıq ənənəvi təzyiq ritorikası deyil, açıq mesajdır: ABŞ hərbi gücdən istifadə etməyə hazırdır.