Dövlət İşçilərinin Dərnəyi (ATE) və H.I.J.O.S. təşkilatı federal məhkəməyə müraciət edərək onu “müharibə cinayətləri, soyqırım və insanlığa qarşı cinayətlər”də ittiham edib. Şikayətdə Beynəlxalq Cinayət Məhkəməsinin 2024-cü ildə verdiyi həbs qərarına istinad olunub və Netanyahunun Qəzzada aclıqdan ölüm, qətl, təqib və BMT obyektlərinə hücum kimi cinayətlərə görə məsuliyyət daşıdığı bildirilib. Argentina prezidenti Xavyer Milei isə hökumətin BCM qərarlarını tanımadığını açıqlayaraq, bunun İsrailin “qanuni özünümüdafiə haqqını” nəzərə almadığını deyib

CNN-ə müsahibəsində Sanders, Qəzza xalqının İsrailin tətbiq etdiyi məhdudiyyətlər səbəbindən aclıq çəkdiyini vurğulayıb. Senator, Senata İsrailə silah satışının dayandırılması üçün təzyiq göstərəcəyini bildirib. Sanders, “İsrailin 7 oktyabr hücumlarına qarşı özünü müdafiə etmək hüququ var. Ancaq o vaxtdan bəri etdikləri bütün Fələstin xalqına qarşı müharibəyə çevrildi” - deyib. Qəzzada on minlərlə insanın, o cümlədən uşaqların aclıqdan əziyyət çəkdiyini bildirən senator, Baş nazir Binyamin Netanyahunun həyata keçirdiyi blokadanı da pisləyib

Baş nazir Entoni Albanese kabinet iclasından sonra verdiyi açıqlamada bu qərarın iki dövlətli həll modelinə dəstək məqsədi daşıdığını bildirib. Onun sözlərinə görə, bu addım Yaxın Şərqdə zorakılıq dövrünü sona çatdırmaq, Qəzzada münaqişə, əzab və aclığı aradan qaldırmaq ümidini gücləndirəcək. Albanese həmçinin İsrailin beynəlxalq qanunlara meydan oxumaqda davam etdiyini və Qəzzadakı əhaliyə, xüsusilə uşaqlara yardımın qarşısını aldığını vurğulayıb.

Fələstin Milli Administrasiyası (FMA) sentyabr ayında Nyu-Yorkda keçiriləcək BMT Baş Assambleyasında Fələstin Muxtariyyətinin birtərəfli qaydada Fələstin Dövlətinə çevrilməsi və elan edilməsi imkanını nəzərdən keçirir. Bu barədə "Al Araby Al Jadeed" qəzeti fələstin rəhbərliyinin nümayəndəsinə istinadən məlumat verib.

Qəzza zolağında son 24 saat ərzində ikisi uşaq olmaqla beş nəfər aclıq və qidalanma çatışmazlığı nəticəsində həyatını itirib. Beləliklə qidalanma çatışmazlığı səbəbindən ölənlərin ümumi sayı 100-ü uşaq olmaqla 217 nəfərə yüksəlib. Bu barədə Fələstin Səhiyyə Nazirliyi məlumat yayıb.

London polisi Böyük Britaniyada qadağan olunmuş təşkilatlar siyahısına salınan Fələstin tərəfdarı "Palestine Action" hərəkatına dəstək aksiyasında 365 nəfəri saxlayıb. London polisinin verdiyi açıqlamaya görə, digər hüquq pozuntularına görə daha yeddi nəfər həbs edilib, onlardan beşi polis əməkdaşına hücum etməkdə ittiham olunur. Məlumata görə, ciddi xəsarət alan olmayıb.

"Fələstinə Dəstək Platforması"na daxil olan vətəndaş cəmiyyəti təşkilatları, İsrailin Qəzza zolağında davam etdirdiyi hücumlara və blokadaya qarşı “Qəzzaya ümid ol” şüarı ilə İstanbulda yürüşə başlayıblar. İştirakçılar, əllərində fənərlər və məşəllərlə Ayasofya Məscidinə doğru irəliləyərkən, şəhərin müxtəlif yerlərindən gələn insanlar Qəzzaya dəstək şüarları səsləndiriblər. Yürüş boyu “Azad Fələstin” və “Qatil İsrail” şüarları eşidilib.

Türkiyə Prezidenti Rəcəb Tayyib Ərdoğan Fələstin Dövlət Başçısı Mahmud Abbasla telefon danışığı aparıb. Söhbət zamanı İsrailin Qəzzaya qarşı hücumları və bölgədəki son vəziyyət müzakirə olunub.

İsrailin Qəzza zolağı ilə bağlı planları qınama ilə qarşılanır, onların həyata keçirilməsi bölgədəki vəziyyəti daha da gərginləşdirə bilər. Bu barədə Rusiya Xarici İşlər Nazirliyinin bəyanatında qeyd olunub.

Türkiyənin Xarici İşlər naziri Hakan Fidan və Misirin Xarici İşlər naziri Bədir Əbdülati, Misirdə keçirdikləri görüşdən sonra birgə mətbuat konfransı təşkil ediblər. Görüşdə bölgə məsələləri, xüsusilə Suriya və Fələstindəki vəziyyət əsas gündəm mövzuları olub. Nazir Əbdülati çıxışında bildirib ki, Misir və Türkiyə Suriyanın ərazi bütövlüyünə və bütünlüyünə dəstək verir, eyni zamanda heç kimi istisna etməyən daxili siyasi həllin vacibliyi mövzusunda razılığa gəliblər.

Fələstin bir sıra ölkələrlə birgə BMT Təhlükəsizlik Şurasının (BMT TŞ) təcili iclasının çağırılmasını tələb edib. Bu haqda Fələstinin BMT-dəki daimi müşahidəçisi Riyad Mansur məlumat verib.

Belçika xarici işlər naziri Hadja Lahbib Prevot, milli medianın Belqa xəbər agentliyinə açıqlamasında, səfir İdit Rosenzveyq-Abunun planla bağlı izahat üçün nazirliyə çağırıldığını bildirib. Nazir İsrailin qərarını pisləyərək, bunun geri çevrilməsi üçün beynəlxalq ictimaiyyətin təcili hərəkətə keçməli olduğunu vurğulayıb.