Portuqaliya hökuməti meşə yanğınları təhlükəsinin artması səbəbindən Avropa İttifaqı, İspaniya və Mərakeşdən əlavə yanğınsöndürmə təyyarələri üçün dəstək istəyib. Baş nazir Luiş Monteneqru bildirib ki, ölkə qarşıdakı günlərdə fövqəladə risklə üzləşəcək. Bir sıra bölgələrdə havanın temperaturu 40 dərəcəni keçib və qırmızı hava xəbərdarlığı elan olunub. Ölkədə xüsusi hazırlıq rejimi tətbiq edilir. Meşə ərazilərinə giriş məhdudlaşdırılıb və bəzi fəaliyyət növlərinə qadağa qoyulub. Hazırda altı meşə yanğını ilə mübarizə aparılır. Söndürmə işlərinə minlərlə əməkdaş, yüzlərlə texnika və onlarla təyyarə cəlb edilib.

Misir rəsmi olaraq bəyan edib ki, öz hərbi qüvvələri ilə Qəzzadakı "Beynəlxalq Sabitlik Qüvvələri"nin tərkibində iştirak edəcək və bununla da özünü Fələstin bölgəsində müharibədən sonrakı dövrün nizamlanmasının tam mərkəzinə yerləşdirib. Bu qərar rəsmi Qahirənin müharibədən sonra Qəzzanın təhlükəsizliyinə və sabitliyinə olan sadiqliyi barədə dünyaya çox aydın bir mesaj ötürsə də, eyni zamanda ən böyük ərəb dövlətini olduqca incə bir sınaq qarşısında qoyur: Öz milli təhlükəsizliyini qorumaqla yanaşı, gələcək fəsadları və bədəli öncədən proqnozlaşdırıla bilməyən açıq bir hərbi münaqişənin daxilinə sürüşməkdən necə mühafizə olunmalı?

Dünən İranın hücumları nəticəsində BƏƏ Hörmüz boğazını keçmək üçün inşa etdiyi Fuceyra boru kəməri ziyan görüb.

Səudiyyə Ərəbistanının Mədinə şəhərindəki Şahzadə Məhəmməd bin Əbdüləziz Beynəlxalq Hava Limanı Filippin, Əlcəzair, Somali və Mərakeşdən gələn ilk Həcc zəvvarları reyslərini qəbul etməyə başlayıb. Bu, Krallığın illik kütləvi ziyarət əməliyyatlarını genişləndirdiyi bir vaxta təsadüf edir.

ABŞ və İsrailin İrana qarşı apardığı müharibənin nəticələri regionda yeni bir nizamın doğulmasına yol açacaq, yoxsa Şimali Afrika və Yaxın Şərqi daha dərin sabitliksizlik burulğanına sürükləyəcək? Bu sual hazırda qlobal siyasi dairələrin mərkəzindədir. Donald Trampın müharibədən əvvəl arzuladığı "sülh və yenidənqurma" vədi, İranın regional proksiləri vasitəsilə müqavimət göstərdiyi bir şəraitdə sınağa çəkilir.

İraqın paytaxtı Bağdadda Mərakeş Səfirliyinin yaxınlığına pilotsuz uçuş aparatı (PUA) düşüb. Bölgədəki Anadolu Agentiliyi müxbiri Bağdadın Mənsur rayonunda yerləşən Mərakeş Səfirliyi yaxınlığında PUA-nın düşməsi nəticəsində ərazidən tüstü yüksəldiyini bildirib. Hücumun kim tərəfindən həyata keçirildiyi hələlik məlum deyil. İraq rəsmiləri hadisə ilə bağlı hələ ki rəsmi açıqlama verməyiblər.

Əmək və Əhalinin Sosial Müdafiəsi Nazirliyinin Əmək siyasəti şöbəsinin müdiri Fuad Heydərov və Nazirlik yanında Dövlət Əmək Müfəttişliyi Xidmətinin rəis müavini Azər Rəhimov uşaq əməyinin aradan qaldırılmasına dair VI Qlobal Konfransda (Mərakeş) iştirak ediblər.

Afrika Millətlər Kubokunun 1/8 final mərhələsində Mərakeş və Tanzaniya komandaları arasında matç başa çatıb. Mərakeş millisi minimal hesabla – 1:0 qalib gəlib.

ABŞ, Kanada və Meksikanın 2026-cı ildə ev sahibliyi edəcəyi dünya çempionatının püşkatma mərasimi keçirilib.

Suriya Ərəb Respublikası Mərakeşin Marakeş şəhərində keçirilən 93-cü İnterpol Baş Assambleyasında beynəlxalq cinayətkarlığa qarşı mübarizə sahəsində əməkdaşlıq məsələlərini müzakirə edib.

Səudiyyə Ərəbistanının paytaxtı Ər-Riyadda noyabrın 21-22-də Al-Faysal Universitetində Yaxın Şərq Terapevtik Radiasiya Onkologiyası Cəmiyyətinin dördüncü konfransı keçiriləcək. Tədbirdə Krallıqdan və digər ölkələrdən olan mütəxəssislər, tədqiqatçılar, beynəlxalq dərman və tibbi texnologiya şirkətləri iştirak edəcək. Konfransın əsas mövzuları süni intellektin tətbiqi və müasir xərçəng müalicəsi texnologiyaları olacaq.

«Z nəsli 212» hərəkatı özünü şəffaf müzakirə məkanı kimi təqdim edir. İştirakçılar hər gün onlayn platformalarda səsvermə yolu ilə qərarlar qəbul edirlər. Adını həm “Z nəsli”ndən, həm də Mərakeşin beynəlxalq telefon kodu olan “212”dən götürüb. Hərəkat sentyabrda Əqədir şəhərində səkkiz hamilə qadının xəstəxanada dünyasını dəyişməsindən sonra yaranan narazılıqlar fonunda güclənib.