İsrail, vasitəçi ölkələrin Qəzza zolağında 48 saatlıq humanitar atəşkəs təklifini qəbul etməyib. Məlumata görə, vasitəçilər bu təklifi İsrail tərəfinə təqdim etsələr də, cavab mənfi olub. Bununla belə, onlar atəşkəsə nail olmaq üçün səylərini davam etdirirlər.

ABŞ Prezidenti Donald Tramp bugün Ukrayna Prezidenti Volodimir Zelenski ilə telefon danışığı aparacaq. Trampın Yaxın Şərq üzrə xüsusi nümayəndəsi Stiven Uitkoffun Rusiya prezidenti Vladimir Putinlə görüşündən sonra baş tutması gözlənilir.

Rusiya prezidenti Vladimir Putin Moskvada ABŞ prezidenti Donald Trampın Yaxın Şərq üzrə xüsusi nümayəndəsi Stiven Uitkoff ilə görüşüb. Putin və Uitkoff Moskvadakı Kreml sarayında görüşüblər. Kremldən verilən açıqlamada Putinin ABŞ prezidenti Trampın nümayəndəsi Uitkoff ilə görüşünün məhsuldar və konstruktiv keçdiyi bildirilib. Ukrayna müharibəsinin müzakirə edildiyi görüş təxminən üç saat davam edib.

İsrail mediasının məlumatına görə, Netanyahu Zamirdən Qəzza zolağının işğalı ilə bağlı planları yenidən işləyərək Nazirlər Kabinetinə təqdim etməyi tələb edib. Zamir isə planların artıq təqdim olunduğunu və əlavə risklərin nəzərə alınmalı olduğunu bildirib. Baş Qərargah rəisi bütün Qəzzanın işğalının İsrail üçün böyük təhlükə yaradacağını, girovların həyatı və ordunun mövqeyi baxımından riskləri artıracağını vurğulayıb.

Tramp həmçinin Yaxın Şərq üzrə xüsusi nümayəndəsi Stiv Vitkoffun Moskvada Rusiya tərəfi ilə görüş keçirəcəyini xatırladaraq, enerji tarifləri və digər geosiyasi məsələlərlə bağlı qərarların bu görüşdən sonra veriləcəyini bildirib. Ukrayna müharibəsinə münasibətində isə Tramp məsuliyyəti Co Baydenin üzərinə qoyaraq, “Bu müharibə mənim deyil, Baydenin müharibəsidir. Mən ABŞ-ı bu qarışıqlıqdan çıxarmaq üçün buradayam” deyib.

Rusiya prezidenti Vladimir Putinlə görüşü planlaşdırılan ABŞ nümayəndə heyətinin Moskvaya gəldiyi bildirilir. Ukraynada 2022-ci ilin fevral ayından bəri davam edən müharibəyə son qoymaq üçün Rusiya ilə diplomatik təmasları davam etdirən ABŞ Moskvaya nümayəndə heyəti göndərib. Nümayəndə heyətinə ABŞ-ın Yaxın Şərq üzrə xüsusi nümayəndəsi Stiven Uitkoff rəhbərlik edir. Nümayəndə heyətinə ABŞ-ın Yaxın Şərq üzrə xüsusi nümayəndəsi Stiven Uitkoff rəhbərlik edir.

HƏMAS Qəzza zolağındakı münaqişənin hərtərəfli həlli və anklavda saxlanılan bütün israilli girovların azad edilməsi məqsədilə danışıqlar aparmağa hazırdır. Bu barədə "The National" qəzeti mənbələrə istinadən məlumat yayıb.

ABŞ prezidenti Donald Trampın Rusiya lideri Vladimir Putinə verdiyi 10 günlük ultimatumun bitməsinə cəmi dörd gün qalmış Vaşinqtonun xüsusi nümayəndəsi Stiv Vitkoff Moskvaya səfər edib.

Böyük Britaniyanın Xarici İşlər naziri Devid Lemmi, Qəzza zolağını şəxsən ziyarət etmək istədiyini bildirib. Bu barədə Lemmi “The Guardian” qəzetinə verdiyi müsahibədə deyib.

HƏMAS, İsrailin Qəzza zolağına hücumları davam etdiyi və Fələstin xalqının hüquqları tam şəkildə bərpa olunmadığı müddətcə silahı yerə qoymayacaq.

ABŞ Prezidenti Donald Trampın Yaxın Şərq üzrə xüsusi nümayəndəsi Stiven Uitkoff HƏMAS-ın silahı buraxdığını iddia edib.

HƏMAS, ABŞ-ın Yaxın Şərq üzrə xüsusi nümayəndəsi Stiven Uitkoffun ötən gün Qəzza zolağına etdiyi səfəri kəskin şəkildə tənqid edərək, bu səfəri “əvvəldən səhnələşdirilmiş bir tamaşa” adlandırıb. Bildirilib ki, Uitkoffun Qəzzaya səfərinin məqsədi ictimai rəyə təsir göstərmək, İsrailin imicini təmizləmək və bölgədə tətbiq olunan aclıq siyasətinə siyasi əsas qazandırmaqdır.