İsrail ordusu Livanın cənubunda yerləşən daha altı şəhər və kənd üçün təxliyə əmri verərək yaxın zamanda hücumlar həyata keçiriləcəyini açıqlayıb. Son günlər bölgədə həm bombardmanların, həm də məcburi köçürülmə xəbərdarlıqlarının artması atəşkəsin davamlılığı ilə bağlı narahatlıqları gücləndirib.

Livanın cənubunda hərbi gərginlik yeni mərhələyə daxil olur. İsrail ordusu Zəhrani çayının cənubunda yerləşən bütün əraziləri “döyüş zonası” elan edərək bölgədə yaşayan sakinlərə təxliyə çağırışı edib. Son qərar artıq bir neçə gündür davam edən hava hücumları, məcburi köçürmə əmrləri və qarşılıqlı hərbi əməliyyatlar fonunda verilib. Humanitar təşkilatlar bölgədə mülki əhali üçün risklərin artdığına dair xəbərdarlıqlar edir. Analitiklər isə yeni açıqlamanın əməliyyatların daha geniş coğrafiyanı əhatə edə biləcəyi ilə bağlı narahatlıqları artırdığını bildirirlər.

İsrail ordusu Livanın cənubunda yerləşən Sur şəhərində Hizbullahla əlaqəli olduğu bildirilən obyektlərə qarşı əməliyyat həyata keçirdiyini açıqlayıb. Məlumata görə, hücumlar əvvəldən edilən təxliyə xəbərdarlıqlarından sonra baş verib. Son hadisələr Livanın cənubunda hərbi gərginliyin daha da artdığı bir dövrə təsadüf edir.

Livanın cənubunda yerləşən Sur şəhərində yayılan son məcburi köçürülmə əmri əhali arasında ciddi narahatlıq və təşvişə səbəb olub. Məlumatlara görə, son günlər intensivləşən hücumların daha sıx məskunlaşmış yaşayış məntəqələrinə yaxınlaşması şəhərdə gündəlik həyata də təsir göstərib. Bölgədə humanitar vəziyyətlə bağlı narahatlıqlar artmaqda davam edir.

İsrail ordusu Livanın cənubunda yerləşən Sur şəhəri və ətraf yaşayış məntəqələri üçün yeni təxliyə çağırışı yayıb. Açıqlamada mümkün hava zərbələri ilə bağlı xəbərdarlıq edilir və sakinlərə bölgəni dərhal tərk etmək tövsiyə olunur. Son qərar Livanın cənubunda təhlükəsizlik vəziyyətinin daha da gərginləşdiyi bir dövrə təsadüf edir.

İsrail–Livan xəttində hərbi gərginlik yeni mərhələyə daxil olur. İsrail ordusu Livanın Bəqaa vadisində yerləşən yaşayış məntəqələrinin sakinlərinə təcili şəkildə ərazini tərk etmək çağırışı edib. Rəsmi açıqlamada bu addımın Hizbullahın atəşkəs razılaşmasını pozduğu iddiaları ilə əlaqəli olduğu bildirilib. Son günlər İsrailin Livanın cənubu və Bəqaa bölgəsinə hava hücumlarını artırması bölgədə daha geniş hərbi əməliyyatların başlaya biləcəyi ilə bağlı narahatlıqları da gücləndirib. Ekspertlər hesab edirlər ki, sərhəd boyunca davam edən qarşılıqlı hərbi addımlar bölgədə təhlükəsizlik risklərini daha da artıra bilər.

İsrail ordusu Livanın cənubunda yerləşən 11 yaşayış məntəqəsinin sakinlərinə təxliyə əmri verib. Əhaliyə evlərini dərhal tərk edərək ən azı 1000 metr uzaqlıqda yerləşən açıq ərazilərə çəkilmələri barədə göstəriş verilib. Bu addım bölgədə gərginliyin daha da artması ilə bağlı narahatlıqları gücləndirib.

Yanğın Seferihisar bəndinin yaxınlığındakı meşəlik ərazidə səbəbi hələlik məlum olmayan şəraitdə başlayıb. Güclü küləklər alovun sürətlə yayılmasına səbəb olub. İzmir Meşə Regional Müdirliyinin məlumatına görə, yanğına qarşı 5 təyyarə, 11 helikopter, 21 su maşını, 7 su təchizatı maşını və 2 tikinti texnikası ilə müdaxilə edilir. Ümumilikdə 182 personal alovu nəzarət altına almaq üçün fasiləsiz çalışır. Qeyd edək ki, yanğın Türkiyənin son həftələrdə üzləşdiyi bir sıra meşə yanğınlarından biridir. Ölkənin digər bölgələrində, o cümlədən Aydın, Bolu və Manisada da oxşar hadisələrə qarşı mübarizə aparılır. Azərbaycanın Fövqəladə Hallar Nazirliyinin “BE-200ÇS” amfibiya təyyarəsi də İzmirdəki yanğınların söndürülməsinə dəstək verir. Türkiyə hökuməti vəziyyəti nəzarətdə saxlamaq üçün bütün resursları səfərbər edib, lakin küləkli hava şəraiti yanğınla mübarizəni çətinləşdirir.

Vyetnamda yaxınlaşan “Kajiki” qasırğası səbəbindən güclü yağış, daşqın və torpaq sürüşməsi riski ilə əlaqədar 586 mindən çox insanın təxliyəsinə qərar verilib. ​Rəsmilər bəzi çaylarda suyun səviyyəsinin artması ilə bağlı 2 və 3-cü səviyyəli xəbərdarlıqlar yayıb. Müdafiə Nazirliyi fəsadlarla mübarizə üçün 350 min hüquq-mühafizə əməkdaşı və 8 200 hərbi texnika cəlb edib. Qeyd edək ki, Çinin cənubundakı Hainan adasında da “Kajiki” ilə bağlı 4-cü dərəcəli fövqəladə vəziyyət elan edilib. Bu, Sakit Okeanda bu il qeydə alınan 13-cü tayfundur.

Partlayış Roseland şəhərində yerləşən Smitty's Supply yanacaq və avtomobil sürtkü yağları zavodunda qeydə alınıb. Yerli vaxtla saat 13:00-da baş verən hadisə nəticəsində xəsarət alan olmayıb. Təxminən 400 nəfərin çalışdığı müəssisədə partlayışın səbəbləri araşdırılır. Tangipahoa Parish prezidenti Robbi Miller bildirib ki, “vətəndaşların, binaların və ətraf mühitin təhlükəsizliyini təmin etmək üçün bütün tədbirlər görülür”. Hadisə zamanı güclü titrəyişlərin müşahidə edildiyini bildirən sakinlər evlərdən təxliyə olunub. ABŞ-ın Ətraf Mühitin Keyfiyyəti Departamenti havada potensial sağlamlıq risklərinin mövcudluğunu araşdırır. Təxliyyə edilən sakinlərin evlərinə nə vaxt dönə biləcəkləri barədə məlumat verilməyib.

Milli Qasırğa Mərkəzi (NHC) tropik fırtınadan qasırğaya çevrilən “Erin”in bu gün axşam saatlarında Şimali Karolina sahillərinə çatacağını açıqlayıb. Saatda 110 km sürətlə irəliləyən və hazırda 2-ci kateqoriya gücündə olan qasırğanın xüsusən sahilyanı ərazilərdə təhlükə yaradacağı bildirilib. Qasırğa səbəbindən Outer Banks bölgəsində dalğaların 7 metrə çatacağı proqnozlaşdırılır və sakinlər üçün evakuasiya əmri verilib. Dövlət rəsmiləri ştat boyunca xilasetmə əməliyyatlarının aparıldığını və insanlara dənizdən uzaq durmaq barədə xəbərdarlıq edib.

Hadisə günorta saatlarında Yatağanın Gökbel məhəlləsində qırmızı şam ağacları ilə örtülmüş meşəlik ərazidə baş verib. Sakinlərin tüstünü görərək məlumat verməsindən sonra Muğla Meşə Region Müdirliyinin yanğınsöndürən qrupları əraziyə cəlb olunub. Təcili müdaxilə nəticəsində yanğın təxminən bir saat ərzində nəzarət altına alınıb. İlkin hesablamalara görə, 1 hektar meşə sahəsi ziyan görüb. Qeyd edək ki, Muğla Türkiyədə meşə yanğınlarının tez-tez qeydə alındığı bölgələrdən biridir.