Kənd Təsərrüfatı və Meşə Naziri İbrahim Yumaklı, meşə qəhrəmanlarının fədakar səyləri sayəsində yanğının tamamilə nəzarət altına alındığını açıqlayıb. Nazir sosial media hesabında bildirib ki, meşələrimizi qorumaq vətəni qorumaqla eyni əhəmiyyətə malikdir və vətəndaşlardan yaşıl vətənin qorunmasında həssaslıq göstərmələri gözlənilir. Qeyd edək ki, Türkiyə Kənd Təsərrüfatı və Meşəçilik Nazirliyinin tabeliyində fəaliyyət göstərən Meşə Baş İdarəsi (OGM) bu il ərzində 5 mindən çox meşə yanğını ilə mübarizə aparıldığını açıqlayıb.

Türkiyənin Kocaeli, Bartın və Bursa şəhərlərində baş verən meşə yanğınlarının söndürülməsi istiqamətində havadan və qurudan intensiv iş aparılır. Kocaelinin Karamürsel rayonunun Suludərə məhəlləsində meşəlik ərazidə hələ müəyyən edilməmiş səbəbdən yanğın başlayıb. Hadisə yerinə yanğınsöndürmə və Meşə Təsərrüfatı İdarəsinin qrupları, eləcə də helikopterlər cəlb olunub. Kocaeli valisi İlhami Aktaş yanğınsöndürmə işlərinin küləkli hava şəraitində çətinləşdiyini bildirərək sakinləri diqqətli olmağa çağırıb.

Mersinin Silifke və Anamur rayonlarında avqustun 13-də başlayan meşə yanğınlarının söndürülməsi istiqamətində hava və quru əməliyyatları fasiləsiz davam edir. Yanğın Balandız və Kırtıl məhəllələri ətrafında meşəlik sahədə başlayıb, güclü külək səbəbindən sürətlə yayılıb. Hadisə nəticəsində altı məhəllədə və yeddi yaşayış məntəqəsində ümumilikdə 984 evdən 1 851 nəfər təxliyə olunub. Yanğının söndürülməsinə 10 helikopter, iki təyyarə, 122 yanğınsöndürmə texnikası və 344 nəfərlik heyət cəlb olunub. Ətraf əyalətlərdən də əlavə qüvvələr göndərilib.

Türkiyənin Hatay vilayətinin Hassa və Mersinin Silifke rayonlarında dünən başlayan meşə yanğınlarının söndürülməsi istiqamətində havadan və yerdən intensiv işlər aparılır. Güclü külək səbəbindən alovun sürətlə yayılması nəticəsində Hatayda Yukarıbucak və Bademli məhəllələrindən 540 sakin, Silifkedə isə altı məhəllə və beş yaşayış məntəqəsi ehtiyat tədbiri olaraq təxliyə edilib. Yanğınsöndürmə əməliyyatlarına helikopterlər, təyyarələr, 173 texnika və yüzlərlə canlı qüvvə cəlb olunub.

Ölkənin müxtəlif bölgələrində baş verən yanğınlar səbəbindən Achaia, Sakız (Xios) adası və Epirusda çoxsaylı yaşayış məntəqələri boşaldılıb. “112” qaynar xətti vasitəsilə yerli sakinlərə təxliyə barədə xəbərdarlıqlar göndərilib. Yanğınsöndürmə işlərinə 4850 nəfərlik heyət cəlb olunub, səhər saatlarından hava qüvvələri yenidən su tökmə əməliyyatlarına başlayıb. Achaia prefekturasında Patra yaxınlığındakı Sihena bölgəsində başlayan yanğın bir neçə evə ziyan vurub, Sakız adasında isə kəndlər tamamilə boşaldılıb və kənd təsərrüfatı sahələri, fermalar, anbarlar, nəqliyyat vasitələri ciddi ziyan görüb. Epirusun Preveze bölgəsindəki Ziros bələdiyyəsində yanğın təxminən 30 kilometrlik əraziyə yayılıb.

Ölkədə davam edən böyük meşə yanğınları səbəbindən avqustun 3-də elan edilən və əvvəlcə avqustun 7-də başa çatması planlaşdırılan xəbərdarlıq rejimi hökumət qərarı ilə avqustun 15-dək uzadılıb. Hazırda Vila Real, Trankoso, Covilha və Tabuaço bölgələrində “həyəcanverici” səviyyədə yanğınlar davam edir və 1700-dən çox yanğınsöndürən alovların qarşısını almaq üçün çalışır.

Kozaağacı yaylasının Kabaağaç ərazisindəki meşədə hələlik səbəbi məlum olmayan yanğın nəticəsində tüstü qalxıb. Bölgəyə dərhal Bozyazı Meşə Əməliyyat Müdirliyinin personalı, jandarma qrupları, yanğınsöndürmə vertolyotu və su maşınları göndərilib. Havadan və yerdən aparılan müdaxilələrlə yanğının nəzarət altına alınması üçün işlər davam etdirilir.

Leon, Ourense, Navarra və Avila bölgələrində 1,5 gündür yanan yanğınların nəzarət altına alınması ilə dünən gecə ehtiyat tədbiri olaraq təxliyə edilən 1500-dən çox insanın evlərinə qayıtmasına icazə verilib. Yerli hakimiyyət orqanları və Mülki Müdafiə qruplarının məlumatına görə, ən çətin vəziyyət Leon şəhəri ətrafında beş fərqli nöqtədə davam edən yanğınlardır. Hərbi Fövqəladə Hallara Müdaxilə Qrupu (UME) da söndürmə işlərinə dəstək verir. Bəzi yaşayış məntəqələrində 50-yə qədər insanın hələ də evlərinə qayıtmasına icazə verilməyib, bəzi yollar isə bağlıdır.

JAMA Network Open tibb jurnalında dərc edilən araşdırmaya əsasən, Los-Anceles yanğınları zamanı ölüm halları əvvəlki illərlə müqayisədə 7 faiz artıb. Ölüm səbəbləri arasında birbaşa ağciyər və ürək xəstəlikləri, həmçinin səhiyyə xidmətlərinin pozulması nəticəsində müalicənin gecikməsi – dializ və xərçəng kimi xəstəliklərə aid dolayı təsirlər yer alır.

Bolqarıstanın Haskovo vilayətində baş verən yanğın iki gündür davam edir və atılan siqaret kötüyünün səbəb olduğu bildirilir. Qubernator Stefka Zdravkova mətbuata verdiyi açıqlamada, güclü və isti küləyin yanğınla mübarizə səylərinə mənfi təsir göstərdiyini bildirib. Yanğın beynəlxalq Meriç şossesini keçərək, yolun bir hissəsinin müvəqqəti bağlanmasına səbəb olub.

Hadisə nəticəsində bir nəfər həyatını itirib, doqquz nəfər, o cümlədən yeddi yanğınsöndürən xəsarət alıb. Təxminən 2000 yanğınsöndürən, iki təyyarə və dörd helikopter yanğının qarşısını almağa çalışır. Onlarla yaşayış məntəqəsi təxliyə olunub, bəzi yollar nəqliyyat üçün bağlanıb. İlkin ehtimallara görə, yanğının insan səhvi nəticəsində başladığı güman edilir.

Portuqaliya, İspaniya, Bolqarıstan və digər Aralıq dənizi ölkələri son günlərdə artan temperatur və nəzarətdən çıxan yanğınlarla mübarizə aparır.