Trabzonspor, Trendyol Süper Liqasının 2-ci turunda səfərdə Kasımpaşa ilə qarşılaşır. Kasımpaşa ilə Trabzonspor arasında keçiriləcək qarşılaşma İstanbuldakı Recep Tayyip Erdoğan Stadionunda saat 21:30-da başlayacaq. Oyunu Cihan Aydın idarə edəcək. Liqa mövsümünə evində Kocaelispor üzərində 1-0 qələbə ilə başlayan Trabzonspor, Kasımpaşa səfərindən də qalibiyyətlə dönərək 2 mövsümdən sonra ilk iki oyundan maksimum xalla ayrılmağı hədəfləyir. Mövsümə Antalyaspor səfərində 2-1 məğlubiyyətlə başlayan, Şota Arveladzenin rəhbərlik etdiyi Kasımpaşa isə bu mövsümdə ilk xal və ya xallarını qazanmaq üçün meydana çıxacaq.

Bu gün Bolqarıstanın Samokov şəhərində U20 dünya çempionatına start verilib. İlk yarış günündə sərbəst güləş üzrə 70, 74, 97 və 125 kq-da finalçılar müəyyənləşib. Nurlan Ağazadə (70 kq) debütdə kanadalı Keyd Braunu mübarizədən kənarlaşdırıb – 9:2. Milli üzvü 1/8 finalda gücünü qırğızıstanlı Zalkarbek Tabaldiyevə göstərib – 5:2. Güləşçimiz çinli Tao Veini isə vaxtından əvvəl (12:2) üstələyərək yarımfinala yüksəlib. Nurlan finalın bir addımlığında moldovalı Aleksandr Qaydarliyə məğlub olub – 4:7. Ağazadə sabah bürünc medal uğrunda güləşəcək. Ağanəzər Novruzov (74 kq) bolqarıstanlı Stiliyan Corova heç bir şans tanımayıb – 10:0. Ancaq 1/8 finalda almaniyalı U20 Avropa çempionu Manuel Vaqinə 2:7 hesabıyla uduzub.

Uzun illərdən sonra Premyer Liqaya qayıdan Sunderland, Paris Saint-Germain-dən 27 yaşlı müdafiəçi Nordi Mukiele-ni transfer edib. Fransız müdafiəçi İngiltərə klubuyla 4 illik müqavilə imzalayıb. Sunderland, futbolçunun transferinə dair transfer haqqı ilə bağlı detalları açıqlamayıb. Sunderland Premyer Liqaya yüksəldikdən sonra mühüm transferlər reallaşdırıb. Ümumilikdə 12 transfer açıqlayan klubun heyətinə qatdığı futbolçular arasında Beşiktaş-la yollarını ayıran Artur Masuaku da var.

“İnter Mayami” klubunun argentinalı hücumçusu Lionel Messi, əzələ zədəsindən sonra meydana çıxdığı ilk oyunda komandasına qələbə qazandırıb. ABŞ Peşəkar Futbol Liqasının (MLS) çempionat matçında “İnter Mayami” doğma meydanda “Los-Anceles Qalaksi”ni qəbul edib. Qarşılaşmanın 84-cü dəqiqəsində Messi hesabı dəyişərək komandasını irəli çıxarıb. Bir qədər sonra isə uruqvaylı Luis Suaresin vurduğu qolda məhsuldar ötürmə ilə yadda qalıb.

Türkiyə Super Liqasının yeni mövsümündə ilk turda Alanyasporla qarşılaşması təxirə salınan Fenerbahçe, liqadakı ilk oyununu İzmir səfərində keçirəcək. Sarı-lacivərdlilər Göztepe ilə Gürsel Aksel Stadionunda üz-üzə gələcək.Görüş bu gün saat 21:30-da start götürəcək. Oyun Yasin Kolun idarəçiliyi ilə baş tutacaq. Ona yan xətt hakimləri olaraq Ceyhun Sesigüzel və Mehmet Kısal kömək edəcək.Fenerbahçe ötən mövsüm Super Liqanı ikinci sırada tamamlayaraq UEFA Çempionlar Liqasının 3-cü təsnifat mərhələsində oynamaq hüququ qazanmışdı. Klub ilk rəsmi oyununu Hollanda təmsilçisi Feyenoorda qarşı keçirmişdi.

Türkiyənin “Qalatasaray” klubu müdafiəçi Davinson Sançes ilə müqaviləni uzadıb. Bildirilib ki, peşəkar futbolçunun müqaviləsi 2028–2029 mövsümünün sonuna qədər qüvvədə qalacaq.

Tamblinq üzrə təmsilçimiz Tofiq Əliyev yarışda tarixi nailiyyətə imza atıb. Gimnastımız tamblinq cığırında çətin element olan üçlü salto və üçlü vint kombinasiyasını uğurla icra edərək 30.500 xal toplayıb və gümüş medala layiq görülüb.

Trendyol Süper Liqasında mövsümə qalibiyyətlə başlayan son çempion Galatasaray, azarkeşlərinin qarşısına ilk dəfə Fatih Karagümrük oyunu ilə çıxır. İstanbul təmsilçisi, çempionatın 2-ci həftəsində öz meydanında – RAMS Park stadionunda Fatih Karagümrük komandasını qəbul edəcək. Qarşılaşma bu axşam saat 21:30-da start götürəcək. Son 3 mövsümün ardıcıl çempionu olan Galatasaray, yeni mövsümə də uğurlu start verib – ilk turda səfərdə Gaziantep FK üzərində 3:0 hesablı qələbə qazanıb.

Trendyol Super Liqasında 2025–2026 mövsümünə səfərdə Göztəpə oyunu ilə başlayacaq Fenerbahçe, mövsüm öncəsi ümumilikdə 8 qarşılaşma keçirdi. Fənərlilər bu müddət ərzində 6 yoxlama oyunu, 2 isə rəsmi matç oynadı. İlk oyununu Fenerbahçe Can Bartu Təlim Mərkəzində Karagümrüklə keçirən komanda, bu görüşdən 2:2 bərabərliklə ayrıldı. Bu oyundan sonra Portuqaliyaya təlim-məşq toplanışına yollanan Fenerbahçe burada da 4 yoxlama matçında iştirak etdi.

Qurban Qurbanovun komandası bu mövsüm ÇL-də keçirdiyi 4 oyunda vurduğu 10 qolla Polşanın "Lex" və Serbiyanın "Srvena Zvezda" klubları ilə birlikdə 2-4-cü yerləri bölüşdürür. Siyahıya 6 qarşılaşmada 11 dəfə rəqib qapısına yol tapan İsveçin "Malmö" komandası başçılıq edir.

Fenerbahçe, UEFA Çempionlar Liqasının 3-cü təsnifat mərhələsinin cavab oyununda Niderland təmsilçisi Feyenoordu evdə 5-2 hesabı ilə məğlub edərək ümumilikdə 6-4 hesabı ilə pley-off mərhələsinə yüksəldi. Sarı-lacivərtlilər növbəti mərhələdə Benfica ilə qarşılaşacaq.

Ağdam təmsilçisi Şimali Makedoniya klubu “Şkendiya” ilə cavab oyununu Tofiq Bəhramov adına Respublika Stadionunda keçirib. Səfərdə 1:0 hesabı ilə qalib gələn “Qarabağ” bu dəfə oyunun əvvəlində qol buraxsa da, üstünlüyü ələ alaraq rəqibini darmadağın edib.