BAKI, AzerVoice
"Qalatasaray", Viktor Osimhen transferi çərçivəsində İtaliyada danışıqlarını davam etdirir.
AzerVoice-un məlumatına görə, "Napoli" klubu ilə danışıqlar aparan sarı-qırmızılılar, Nigeriyalı hücumçunu heyətinə qatmaq üçün ciddi səy göstərir.
"Napoli"nin prezidenti Aurelio De Laurentis 75 milyon avroluq transfer haqqını iki hissədə almaqda israr edir. "Qalatasaray" isə 40 milyon avro nağd, qalan 35 milyon avronu isə iki hissə-hissə ödəməyi təklif edib.
"Qalatasaray" təminat məktubu problemini İtalyan bankları ilə həll etməyi planlaşdırır. Klub adını açıqlamadığı sponsordan gələcək təxminən 80 milyon avro vəsaiti müəyyən müddət ərzində İtalyan bankında saxlamaq şərtilə təminat məsələsini yoluna qoymaq istəyir.
Viktor Osimhen transferini ən geci sabaha qədər rəsmiləşdirmək istəyən "Qalatasaray" rəhbərliyi, bu mövzuda qərarlıdır.